ഡൽഹി: നീണ്ട ചർച്ചകൾക്കും കൂടിയാലോചനകൾക്കും ഒടുവിൽ നിയമസഭാ തെരഞ്ഞെടുപ്പിൽ എംപിമാർ മൽത്സരിക്കേണ്ടതില്ലെന്ന നിലപാടിൽ ഉറച്ച് കോൺഗ്രസ്. സംസ്ഥാന നേതൃത്വത്തിന്റെ ഈ നിലപാട് ഹൈക്കമാന്റ് അംഗീകരിച്ചു. അതേസമയം തകർക്കങ്ങൾക്കൊടുവിൽ ഇന്ന് കോൺഗ്രസിന്റെ ആദ്യഘട്ട സ്ഥാനാർത്ഥി പട്ടിക പുറത്തുവന്നേക്കും.
ഇന്ന് രാവിലെ കേന്ദ്ര തെരഞ്ഞെടുപ്പ് സമിതി യോഗം ചേരും. തുടർന്നാകും പട്ടിക പുറത്തുവരിക. എഴുപത് സീറ്റുകളിൽ സ്ഥാനാർത്ഥികളെ തീരുമാനിച്ചതായാണ് ഒടുവിൽ പുറത്തുവരുന്ന വിവരം. പതിനഞ്ചിടത്ത് പാനലായിരിക്കുമെന്നും വിവരമുണ്ട്. വൈകിട്ടോടെ പട്ടിക പുറത്തുവന്നേക്കും.
കെ സുധാകരന് ഡല്ഹിയിലേക്ക് തിരിച്ചിട്ടുണ്ട്. ഇന്ന് രാഹുല് ഗാന്ധിയുമായും, മല്ലികാര്ജുന് ഖര്ഗേയുമായി കൂടിക്കാഴ്ച നടത്തും. സീറ്റ് സംബന്ധിച്ച തര്ക്കത്തില് സുധാകരനെ അനുനയിപ്പിക്കാനുള്ള ശ്രമം തുടരുകയാണ്.
എംപിമാര് മത്സരിക്കേണ്ടതില്ല. മണ്ഡലങ്ങളില് എംപിമാരുടെ അഭിപ്രായങ്ങള് കൂടി പരിഗണിച്ച് തീരുമാനമെടുക്കാനാണ് നീക്കം. അതേസമയം, കണ്ണൂര് ഡിസിസി ഓഫീസിന് മുന്നില് വീണ്ടും കെ സുധാകരന്റെ ഫ്ലക്സ് പ്രത്യക്ഷപ്പെട്ടു. പിണറായി സര്ക്കാറിനെ താഴെ ഇറക്കാന് കോണ്ഗ്രസിന്റെ പടനായകന് കെ സുധാകരന് എത്തുന്നുവെന്നാണ് ഫ്ളക്സില് പറയുന്നത്. കണ്ണൂരിന്റെ ഹൃദയമാണ് കെ എസ് എന്നും ഫ്ലക്സിലുണ്ട്.
ഇന്ന് രാവിലെ ചേരുന്ന കേന്ദ്ര തിരഞ്ഞെടുപ്പ് സമിതി യോഗത്തിനുശേഷം പട്ടിക പ്രഖ്യാപിക്കാനാണ് ധാരണ. അന്തിമഘട്ട ചര്ച്ചകള്ക്കായി കഴിഞ്ഞദിവസം നേതാക്കള് ഡല്ഹിയിലെത്തി കോര് കമ്മിറ്റി യോഗം ചേര്ന്നിരുന്നു. രാഹുല് ഗാന്ധിയും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുമായും നേതാക്കള് കൂടിക്കാഴ്ച നടത്തിയിരുന്നു.
