കൊച്ചി: മാസപ്പടിക്കേസില് എസ്എഫ്ഐഒ കുറ്റപത്രത്തോടൊപ്പമുളള അനുബന്ധരേഖകളുടെ പകര്പ്പാവശ്യപ്പെട്ട് ബിജെപി സംസ്ഥാന ഉപാധ്യക്ഷന് ഷോണ് ജോര്ജ് നല്കിയ ഹര്ജി എറണാകുളം അഡീഷണല് സെഷന്സ് കോടതി അംഗീകരിച്ചു. സിഎംആര്എല് കമ്പനിയില് നിന്ന് കൈക്കൂലി വാങ്ങിയവരുടെ വിശദാംശങ്ങള് ആവശ്യപ്പെട്ടാണ് ഹര്ജി.
2019ല് സിഎംആര്എല് എംഡി ശശിധരന് കര്ത്തയില് നിന്ന് പിടികൂടിയ മാസപ്പടി ഡയറിയുടെ പകര്പ്പാണ് ഹര്ജിക്കാരന് ആവശ്യപ്പെട്ടത്. എന്നാല് വിധി അനുകൂലമാണെങ്കിലും പകര്പ്പ് ഉടന് കൈമാറില്ല. സിഎംആര്എല് നല്കിയ ഹര്ജിയില് ,ഹൈക്കോടതി പകര്പ്പ് കൈമാറുന്നത് താല്കാലികമായി തടഞ്ഞിട്ടുണ്ട്. സിഎഫ്ഒ സുരേഷ് കുമാര് നല്കിയ ഹര്ജിയിലായിരുന്നു ഹൈക്കോടതി നടപടി.
മുഖ്യമന്ത്രിയുടെ മകള് വീണ വിജയന് ഉള്പ്പെട്ട കേസാണിത്.
