നടൻ എന്ന നിലയിൽ മാത്രമല്ല, നിർമ്മാതാവ് എന്ന നിലയിലും ശിവകാർത്തികേയൻ പ്രശസ്തനാണ് . 2026 ഫെബ്രുവരി 27 ന് ലോകമെമ്പാടും റിലീസ് ചെയ്ത തായ് കിഴവി എന്ന ചിത്രം നിർമ്മിച്ചത് അദ്ദേഹമാണ് . നവാഗത സംവിധായകൻ ശിവകുമാർ മുരുകേശനാണ് ചിത്രം സംവിധാനം ചെയ്തത്. കളക്ഷനിലും നിരൂപണത്തിലും മികച്ച പ്രതികരണമാണ് ചിത്രത്തിന് ലഭിച്ചത്, ഇതുവരെ 50 കോടിയിലധികം രൂപ കളക്ഷൻ നേടിയിട്ടുണ്ട്. ചിത്രത്തിന്റെ വിജയാഘോഷം അടുത്തിടെ വളരെ മികച്ച രീതിയിൽ നടന്നു.
ചടങ്ങിൽ ശിവകാർത്തികേയൻ തന്റെ ഭാര്യ ആരതിയെക്കുറിച്ചാണ് ഏറെ സംസാരിച്ചത്. തന്റെ നിർമ്മാണ കമ്പനി സുഗമമായി പ്രവർത്തിക്കുന്നതിന് കാരണം തന്റെ ഭാര്യയാണെന്നും അദ്ദേഹം പറഞ്ഞു . “എന്റെ വിവാഹം നടന്ന അന്ന് മുതൽ, വീട്ടുചെലവുകൾ എല്ലാം നോക്കുന്നത് ആരതിയാണ്. എന്റെ അക്കൗണ്ടിൽ എത്ര പണമുണ്ടെന്ന് എനിക്കറിയില്ല. എനിക്ക് ടൗണിൽ പോകേണ്ടി വരുമ്പോഴെല്ലാം ഞാൻ ആരതിയോട് പണം ചോദിക്കും. ഞാൻ ഇപ്പോഴും അഭിമാനത്തോടെ അത് പറയും. അവളാണ് എല്ലാം നോക്കുന്നത്. ആരതി ഇതെല്ലാം ചെയ്തില്ലായിരുന്നെങ്കിൽ എനിക്ക് സിനിമ ചെയ്യാൻ കഴിയുമായിരുന്നില്ല. ആരതി എനിക്ക് ഒരു അമ്മയെപ്പോലെയായിരുന്നു തോന്നിയത്.” എന്നും ശിവകാർത്തികേയൻ പറയുന്നു.
