തിരുവനന്തപുരം: നിയമസഭാ തെരഞ്ഞെടുപ്പ് തീയതി പ്രഖ്യാപിച്ചതോടെ പ്രചാരണത്തിന് കുറച്ച് ദിവസങ്ങളേ ഉളളൂവെന്ന നിലയാണ്.ഇനി 25ാം ദിവസം കേരളം പോളിംഗ് ബൂത്തിലേക്ക് നീങ്ങും. നിശബ്ദ പ്രചാരണമടക്കമുള്ള ദിവസങ്ങളാണിത്.
വെറും മൂന്നാഴ്ച മാത്രമാണ് തെരഞ്ഞെടുപ്പ് പ്രചാരണത്തിന് മുന്നണികള്ക്കുളളത്. കാടിളക്കി പ്രചാരണത്തിലേക്ക് മുന്നണികള് അതിവേഗം കടക്കും.
സ്ഥാനാര്ത്ഥി നിര്ണയും ഏകദേശം പൂര്ത്തിയായ ആശ്വാസത്തിലാണ് എല്ഡിഎഫ്.സിപിഐയാണ് ആദ്യമായി സ്ഥാനാര്ത്ഥി പട്ടിക പുറത്തിറക്കിയത്. സിപിഎം സ്ഥാനാര്ത്ഥികളുടെ പട്ടികയും പുറത്തു വന്നു.എന്നാല് മാണി ഗ്രൂപ്പിന്റെ പട്ടിക പുറത്തു വരാനുണ്ട്. എന് സി പിയില് തമ്മിലടി രൂക്ഷമായത് പ്രതിസന്ധി സൃഷ്ടിക്കുന്നുണ്ട്.
കോണ്ഗ്രസിലെ സീറ്റിനായുളള പിടിവലി യു ഡി എഫിന് തലവേദനയാണ്.എന്നാല് 42 മണ്ഡലങ്ങളില് അന്തിമരൂപമായി എന്നാണറിവ്.എന് ഡി എയില് സ്ഥാനാര്ത്ഥികളെ നിശ്ചയിച്ചിട്ടുണ്ടെങ്കിലും ദല്ഹിയിലെ നടപടി ക്രമങ്ങള്ക്ക് ശേഷം വൈകാതെ പ്രഖ്യാപനമുണ്ടാകും.എന്നാല് പാര്ട്ടി എ ക്ലാസ് മണ്ഡലങ്ങളില് മിക്കതിലും ചുവരെഴുത്ത് തുടങ്ങി.
വിഷു, ഈസ്റ്റര് ആഘോഷങ്ങള് കൂടി കണക്കിലെടുത്താണ് ഏപ്രില് രണ്ടാം വാരത്തില് തന്നെ വോട്ടെടുപ്പ് നിശ്ചയിച്ചിരിക്കുന്നത്.നിലവിലെ എല്ഡിഎഫ് സര്ക്കാരിന്റെ കാലാവധി മെയ് 23-ന് അവസാനിക്കാനിരിക്കെയാണ് ഈ തെരഞ്ഞെടുപ്പ്. എല്ഡിഎഫിനും യുഡിഎഫിമും ഒപ്പം ഇത്തവണ എന് ഡി എ ശക്തമായ സാന്നിധ്യമാണ്.
