കൊല്ലം : കരുനാഗപ്പളളിയില് ഗുണ്ട നേതാവ് ആലുവ അതുല് വധക്കേസില് മുഴുവന് പ്രതികളും പിടിയിലായി. എട്ട് പ്രതികളാണ് പിടിയിലായത്.
പ്രതികളെ മുണ്ടക്കയത്ത് നിന്നാണ് പിടികൂടിയത്. കൊലപാതകം നടത്താന് പ്രതികള് സഞ്ചരിച്ച വാഹനവും കസ്റ്റഡിയിലെടുത്തു.
കരുനാഗപ്പളളി ജിം സന്തോഷ് വധക്കേസിലെ ഒന്നാം പ്രതി ആലുവ അതുല് ജാമ്യം ലഭിച്ച ശേഷം സ്റ്റേഷനില് ഒപ്പിട്ട് മടങ്ങവെയാണ് പട്ടാപ്പകല് എതിരാളികള് ആക്രമിച്ചത്. ആലുവ അതുല് സഞ്ചരിച്ച കാര് പിന്നാലെയെത്തിയ പ്രതികളുടെ കാര് കൊണ്ട് ഇടിച്ച് റോഡിന് വശത്തെ കുഴിയിലേക്ക് വീഴ്ത്തിയ ശേഷം വെട്ടിക്കൊല്ലുകയായിരുന്നു.
