പത്തനംതിട്ട: മിനി വാനും ബൈക്കും കൂട്ടിയിടിച്ച് രണ്ടു പേര് മരിച്ചു. പുനലൂര് – മൂവാറ്റുപുഴ സംസ്ഥാന പാതയില് പ്ലാച്ചേരിക്ക് സമീപം ഉണ്ടായ അപകടത്തില് ഇടമണ് വാകത്താനം സ്വദേശികളായ മാമൂട്ടില് ഏബ്രഹാം വര്ഗീസ് (55), കടുവുംതുരുത്തേല് മാത്യു ജേക്കബ് (45) എന്നിവരാണ് മരിച്ചത്.
ശനിയാഴ്ച രാത്രി 7.30 ഓടെയായിരുന്നു സംഭവം. ഹോട്ടലില് നിന്നും പാഴ്സല് വാങ്ങി ബൈക്കില് റോഡിലേക്ക് ഇറങ്ങവെ മിനി വാന് ഇടിച്ചു. ഉടന് തന്നെ രണ്ടു പേരെയും ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
പൊലീസും അഗ്നിരക്ഷാ സേനയും സ്ഥലത്തെത്തി മേല് നടപടികള് സ്വീകരിച്ചു. മൃതദേഹം പോസ്റ്റ്മോര്ട്ടത്തിനുശേഷം ബന്ധുക്കള്ക്ക് വിട്ടു നല്കും.
