തിരുവനന്തപുരം: എഡിജിപി എം.ആര്.അജിത് കുമാറിനെ ബെവ്കോ സിഎംഡിയായി നിയമിച്ചു. ബെവ്കോ എംഡിയായിരുന്ന ഹര്ഷിത അട്ടല്ലൂരിയെ ട്രാഫിക് ഐജിയായും മാറ്റി നിയമിച്ചു. വെള്ളിയാഴ്ചയാണ് അജിത് കുമാറിനെ എക്സൈസ് കമ്മീഷണര് സ്ഥാനത്തു നിന്ന് നീക്കിയത്.
എക്സൈസ് കമ്മീഷണര്, ബെവ്കോ ചെയര്മാന് എന്നീ പദവികള് വഹിക്കുകയായിരുന്ന അജിത് കുമാറിനെ കഴിഞ്ഞ ദിവസം എക്സൈസ് കമീഷണര് പദവിയില് നിന്ന് നീക്കിയിരുന്നു. ഐ എസ് എസ് കേഡര് പോസ്റ്റുകളില് ഐ എ എസുകാര് അല്ലാത്തവരെ നിയമിക്കരുതെന്ന കേന്ദ്ര അഡ്മിനിസ്ട്രേറ്റിവ് ട്രിബ്യൂണലിന്റെ ഉത്തരവ് പ്രകാരമായിരുന്നു സര്ക്കാര് നടപടി.കഴിഞ്ഞ വര്ഷം ജൂലായിലാണ് ബറ്റാലിയന് എഡിജിപി സ്ഥാനത്തു നിന്ന് അജിത് കുമാറിനെ എക്സൈസ് കമ്മീഷണറായി നിയമിച്ചത്.
ഉത്തരവിന് കാരണമായ ഹര്ജി നല്കിയ മുതിര്ന്ന ഐഎഎസ് ഉദ്യോഗസ്ഥന് ബി. അശോകിനെ അപ്രധാന വകുപ്പിലേക്കും മാറ്റിയിരുന്നു.സൈനിക ക്ഷേമം, സ്പോര്ട്സ് ആന്ഡ് യൂത്ത് അഫയേഴ്സ് വകുപ്പ് പ്രിന്സിപ്പല് സെക്രട്ടറിയായാണ് അശോകിനെ നിയമിച്ചത്.
