തിരുവനന്തപുരം:നെയ്യാര് ജലസംഭരണിയില് ചാടിയ ആര്ടിഒ ജീവനക്കാരിയുടെ മൃതദേഹം കണ്ടെത്തി. നേമം സ്വദേശിനി ശരണ്യയുടെ മൃതദേഹമാണ് സ്കൂബ സംഘം നടത്തിയ തെരച്ചിലില് കണ്ടെത്തിയത്.
കഴിഞ്ഞ ദിവസമാണ് ശരണ്യ റിസര്വോയറില് ചാടിയത്. സ്ഥലം മാറ്റം ലഭിക്കാത്തതിലുള്ള മനോവിഷമമാണ് ആത്മഹത്യയ്ക്ക് പിന്നിലെന്നാണ് ഭര്ത്താവ് സിരില് മൊഴി നല്കിയത്. ഇന്നലെ വൈകിട്ട് അഞ്ചരയോടെ താന് ജീവനൊടുക്കാന് പോകുകയാണെന്ന് ശരണ്യ ഫോണില് വിളിച്ചു പറഞ്ഞുവെന്നാണ് ഭര്ത്താവ് പൊലീസിനോടു പറഞ്ഞത്.
എന്നാല് ശരണ്യയും ഭര്ത്താവുമായി പ്രശ്നങ്ങളുണ്ടായിരുന്നുവെന്നാണ് ബന്ധുക്കള് പറഞ്ഞത്.സിരിലിനെതിരെ ശരണ്യ പൊലീസില് പരാതി നല്കിയിരുന്നുവെന്നും അറിയുന്നു.സിരില് നിരന്തരം മദ്യപിച്ചെത്തി ശരണ്യയെ മര്ദ്ദിക്കാറുണ്ടായിരുന്നുവെന്ന് നാട്ടുകാര് പറഞ്ഞു.
കഴിഞ്ഞ ദിവസം വൈകിട്ട് ആറോടെ ഡാം ടോപ്പില് ചെരുപ്പും പഴ്സും മൊബൈല് ഫോണും ഇറിഗേഷന് ജീവനക്കാര് കണ്ടെത്തി.തുടര്ന്നാണ് അന്വേഷണം ആരംഭിച്ചത്. ഇവര് പൊലീസിലും വിവരം അറിയിച്ചു. ആറരയോടെ യുവതിയുടെ ഭര്ത്താവും ഡാമിലെത്തി. യുവതി എത്തിയ സ്കൂട്ടര് ഡാമിന്റെ പാര്ക്കിംഗ് ഏരിയയില് കണ്ടെത്തി. ഇന്നലെ സന്ദര്ശകര് കുറവായിരുന്നതു കൊണ്ടു യുവതി ഡാമില് ചാടുന്നത് ആരും കണ്ടില്ല.
തിരുവനന്തപുരം തമ്പാനൂര് ആര്ടിഒ ഓഫീസിലെ ഓഫീസ് അസിസ്റ്റന്റായിരുന്നു ശരണ്യ. 11 മാസം മുമ്പാണ് ജോലി ലഭിച്ചത്.
