തിരുവനന്തപുരം: പശ്ചിമേഷ്യന് യുദ്ധത്തെത്തുടര്ന്ന് വാണിജ്യ പാചകവാതക സിലിണ്ടറുകളുടെ വിതരണത്തിന് ഏര്പ്പെടുത്തിയ നിയന്ത്രണം കേരളത്തിലെ ഐടി ഹബ്ബായ ടെക്നോപാര്ക്കിന്റെ പ്രവര്ത്തനങ്ങളെയും ബാധിക്കും. ക്യാമ്പസിലെ ഭൂരിഭാഗം ഫുഡ് കോര്ട്ടുകളും റസ്റ്റോറന്റകളും പ്രവര്ത്തനം നിര്ത്തിയ പശ്ചാത്തലത്തില് ജീവനക്കാര്ക്ക് ‘വര്ക്ക് ഫ്രം ഹോം’ അനുവദിക്കുന്നതില് കമ്പനികള് ആലോചന തുടങ്ങി.
നിലവില് പ്രവര്ത്തിക്കുന്ന റസ്റ്റാറന്റുകള് പരിമിതമായ മെനു മാത്രമാണ് നല്കുന്നത്. ഇത് ഐടി ജീവനക്കാരെ ബാധിച്ചു. ടെക്നോപാര്ക്കിലെ പ്രമുഖ കമ്പനിയായ യുഎസ്ടി ഗ്ലോബല് അടുത്തയാഴ്ച മുതല് തങ്ങളുടെ ആറായിരത്തോളം വരുന്ന ജീവനക്കാര്ക്ക് വര്ക്ക് ഫ്രം ഹോം നല്കാന് തീരുമാനിച്ചതായാണ് റിപ്പോര്ട്ടുകള്. മറ്റ് കമ്പനികളും സമാനമായ ആലോചനയിലാണ്.
വാണിജ്യ സിലിണ്ടറുകളുടെ നിയന്ത്രണം കഴക്കൂട്ടത്തെ ഹോസ്റ്റലുകളിലെയും പിജികളെയും ബാധിച്ചു.ഇവിടങ്ങളിലെ താമസക്കാര്ക്ക് ഭക്ഷണം നല്കുന്നതില് ബുദ്ധിമുട്ട് നേരിട്ടതോടെ പല ഉടമകളും താമസക്കാരോട് താത്കാലികമായി വീടുകളിലേക്ക് മടങ്ങാന് ആവശ്യപ്പെട്ടിട്ടുണ്ട്.ഈ അവസരം മുതലെടുത്ത് ചില റസ്റ്റോറന്റുകള് ഭക്ഷണത്തിന് അമിതവില ഈടാക്കുന്നതായും ആരോപണമുണ്ട്.
