തിരുവനന്തപുരം: പാചക വാതക വിതരണത്തില് മുന്ഗണനാ ക്രമം നിശ്ചയിക്കാനും കരിഞ്ചന്തയും പൂഴ്ത്തിവെയ്പ്പും തടയാന് എന്ഫോഴ്സ്മെന്റ് സംഘം രൂപീകരിക്കാനും മുഖ്യമന്ത്രി പിണറായി വിജയന്റെ നിര്ദേശം.
ജില്ലകളില് കളക്ടര്മാരുടെ നേതൃത്വത്തില് ജില്ലാതല മോണിറ്ററിംഗ് കമ്മിറ്റി രൂപീകരിക്കും.പ്രത്യേകം തയാറാക്കിയ ഡാഷ് ബോര്ഡ് ഉപയോഗിച്ചാവും നിരീക്ഷണം. ഉപഭോഗം നിരീക്ഷിക്കാന് സംസ്ഥാന അടിസ്ഥാനത്തിലുള്ള മോണിറ്ററിംഗ് കമ്മിറ്റി രൂപീകരിക്കും.
ഗാര്ഹികേതര ആവശ്യങ്ങള്ക്കുള്ള എല്പിജി വിതരണത്തില് ആശുപത്രികള് സ്കൂളുകള് എന്നിവയ്ക്ക് പ്രഥമ പരിഗണന നല്കും.സംസ്ഥാനത്തിനുളള ഗാര്ഹികേതര ഗ്യാസ് സിലണ്ടറുകളുടെ പരിധി ഉയര്ത്താന് കേന്ദ്ര സര്ക്കാരിനോട് ആവശ്യപ്പെടും.
ഗ്രാമപ്രദേശങ്ങളില് എല്പിജി ഗ്യാസ് സിലിണ്ടര് ബുക്കിംഗിനുള്ള കാലയളവ് 45 ദിവസമായി കേന്ദ്രം ദീര്ഘിപ്പിച്ചു. നഗര പ്രദേശങ്ങളില് ബുക്കിംഗുകള്ക്ക് ഇടയിലുള്ള ഇടവേള 25 ദിവസമാണ്.
ആവശ്യത്തിന് പാചക വാതകം ലഭ്യമാണെന്നും ഉപഭോക്താക്കള് പരിഭ്രാന്തി കാട്ടരുതെന്നും കേന്ദ്ര സര്ക്കാര് അറിയിച്ചിട്ടുണ്ട്.
