ടെഹ്റാന്: ഹോര്മുസ് കടലിടുക്കിലെ കപ്പല് ചാല് അടച്ചിടുക തന്നെ ചെയ്യുമെന്ന് ഇറാന്റെ പുതിയ പരമോന്നത നേതാവ് അയത്തുള്ള മൊജ്തബ ഖമേനി വ്യക്തമാക്കിതായി സ്റ്റേറ്റ് ടെലിവിഷന് റിപ്പോര്ട്ടു ചെയ്തു. അതേസമയം ഇറാന്റെ ‘ദുഷ്ട സാമ്രാജ്യത്തിന്റെ’ തകര്ച്ച ക്രൂഡ് ഓയില് വിലയേക്കാള് പ്രധാനമാണെന്ന് യുഎസ് പ്രസിഡന്റ് ഡൊണാള്ഡ് ട്രംപ് പറഞ്ഞു.
വ്യോമാക്രമണത്തില് പരിക്കേറ്റ ശേഷം അയത്തുള്ള മൊജ്തബ ഖമേനി, ഇതുവരെയ പരസ്യമായി രംഗത്തുവന്നിട്ടില്ല, സ്റ്റേറ്റ് ടെലിവിഷനിലാണ് ഖമേനിയുടെ പ്രസ്താവന പുറത്തുവന്നത് . യുഎസ്, ഇസ്രായേല് ആക്രമണങ്ങള്ക്കുള്ള ഇറാന്റെ പ്രതികാരം ‘പരിമിതമായ അളവില്’ പൂര്ണ്ണത കൈവരിച്ചുവെന്നും പക്ഷേ അത് പൂര്ണ്ണമായി കൈവരിക്കുന്നതുവരെ, ഹോര്മുസ് കടലിടുക്ക് അടഞ്ഞു കിടക്കുമെന്ന് അദ്ദേഹം പറഞ്ഞു.
പേര്ഷ്യന് ഗള്ഫിലെ കപ്പല് ഗതാഗതം തടഞ്ഞുകൊണ്ട് ഇറാന് നടത്തിയ നിരന്തരമായ ആക്രമണങ്ങള് എണ്ണവില ബാരലിന് 100 ഡോളറിനു മുകളില് എത്തിച്ചിട്ടുണ്ട്. വ്യാഴാഴ്ചയും ഇറാനിയന് തലസ്ഥാനത്ത് ശക്തമായ സ്ഫോടനങ്ങളുണ്ടായി.
