തിരുവനന്തപുരം: തിരുവനന്തപുരം ഡിവിഷനില് അറ്റകുറ്റപ്പണികള് നടക്കുന്നതിനാല് ചില ട്രെയിനുകള് ഭാഗികമായി റദ്ദാക്കി. ചില ട്രെയിനുകള് വഴിതിരിച്ചുവിടുമെന്നും ദക്ഷിണ റെയില്വേ അറിയിച്ചു.
ഭാഗികമായി റദ്ദാക്കിയ ട്രെയിനുകള് : ട്രെയിന് നമ്പര് 12695 ഡോ. എംജിആര് ചെന്നൈ സെന്ട്രല് – തിരുവനന്തപുരം സെന്ട്രല് സൂപ്പര്ഫാസ്റ്റ് എക്സ്പ്രസ്: മാര്ച്ച് 13-ന് ചെന്നൈയില് നിന്ന് പുറപ്പെടേണ്ട ഈ ട്രെയിന് കോട്ടയത്ത് യാത്ര അവസാനിപ്പിക്കും.
കോട്ടയത്തിനും തിരുവനന്തപുരത്തിനും ഇടയിലുള്ള സര്വീസ് റദ്ദാക്കി
ട്രെയിന് നമ്പര് 12696 തിരുവനന്തപുരം സെന്ട്രല് – ഡോ. എംജിആര് ചെന്നൈ സെന്ട്രല് സൂപ്പര്ഫാസ്റ്റ് എക്സ്പ്രസ്: മാര്ച്ച് 14-ന് തിരുവനന്തപുരത്ത് നിന്ന് പുറപ്പെടേണ്ട ട്രെയിന് തിരുവനന്തപുരത്തിനും കോട്ടയത്തിനും ഇടയില് ഭാഗികമായി റദ്ദാക്കി.ഈ ട്രെയിന് കോട്ടയത്ത് നിന്ന് നിശ്ചയിച്ച സമയമായ രാത്രി 8.05-ന് യാത്ര ആരംഭിക്കും.
ട്രെയിന് നമ്പര് 16127 ചെന്നൈ എഗ്മൂര് – ഗുരുവായൂര് എക്സ്പ്രസ്: മാര്ച്ച് 12-ന് ചെന്നൈ എഗ്മൂറില് നിന്ന് പുറപ്പെടേണ്ട ട്രെയിന് നാഗര്കോവില് ടൗണില് യാത്ര അവസാനിപ്പിക്കും.
നാഗര്കോവില് ടൗണിനും ഗുരുവായൂരിനും ഇടയിലുള്ള സര്വീസ് റദ്ദാക്കി..
ട്രെയിന് നമ്പര് 16128 ഗുരുവായൂര് – ചെന്നൈ എഗ്മൂര് എക്സ്പ്രസ്: 2026 മാര്ച്ച് 13-ന് ഗുരുവായൂരില് നിന്ന് പുറപ്പെടേണ്ട ട്രെയിന് ഗുരുവായൂരിനും നാഗര്കോവില് ടൗണിനും ഇടയില് ഭാഗികമായി റദ്ദാക്കി. ഈ ട്രെയിന് നാഗര്കോവില് ടൗണില് നിന്ന് രാവിലെ 06.33-ന് യാത്ര തുടങ്ങും.
വഴിതിരിച്ചുവിടുന്ന ട്രെയിനുകള് : ട്രെയിന് നമ്പര് 12624 തിരുവനന്തപുരം സെന്ട്രല് – ഡോ. എംജിആര് ചെന്നൈ സെന്ട്രല് സൂപ്പര്ഫാസ്റ്റ്: മാര്ച്ച് 14-ന് പുറപ്പെടേണ്ട ഈ ട്രെയിന് ആലപ്പുഴ വഴി വഴിതിരിച്ചുവിടും.
മാവേലിക്കര, ചെങ്ങന്നൂര്, തിരുവല്ല, ചങ്ങനാശേരി, കോട്ടയം, തൃപ്പൂണിത്തുറ എന്നിവിടങ്ങളിലെ സ്റ്റോപ്പുകള് ഉണ്ടായിരിക്കില്ല.
പകരം ആലപ്പുഴ, ചേര്ത്തല, എറണാകുളം ജംക്ഷന് എന്നിവിടങ്ങളില് അധിക സ്റ്റോപ്പ് അനുവദിക്കും.
ട്രെയിന് നമ്പര് 22503 കന്യാകുമാരി – ദിബ്രുഗഡ് വിവേക് സൂപ്പര്ഫാസ്റ്റ്: 2026 മാര്ച്ച് 14-ന് പുറപ്പെടേണ്ട ഈ ട്രെയിന് ആലപ്പുഴ വഴി തിരിച്ചുവിടും. ചെങ്ങന്നൂര്, കോട്ടയം സ്റ്റോപ്പുകള് ഒഴിവാക്കും.പകരം കായംകുളം, ആലപ്പുഴ, എറണാകുളം ജംക്ഷന് എന്നിവിടങ്ങളില് സ്റ്റോപ്പ് ഉണ്ടായിരിക്കും
