തിരുവനന്തപുരം : ഇന്സ്റ്റിറ്റ്യൂട്ട് ഓഫ് ഹ്യൂമന് റിസോഴ്സസ് ഡെവലപ്മെന്റിന്റെ കീഴില് എറണാകുളം ജില്ലയില് കലൂരിലും (0484-2347132/8547005008) കപ്രാശ്ശേരിയിലും (ചെങ്ങമനാട്, 0484-2604116/8547005015), മലപ്പുറം ജില്ലയില് വാഴക്കാട് (0483-2725215/8547005009), വട്ടംകുളം (0494-2681498/8547005012), പെരിന്തല്മണ്ണ (04933-225086/8547021210) എന്നിവിടങ്ങളിലും കോട്ടയം ജില്ലയില് പുതുപ്പള്ളി (0481-2351485/8547005013)യിലും, ഇടുക്കി ജില്ലയില് മുട്ടം, തൊടുപുഴ (04862-255755/8547005014)യിലും പത്തനംതിട്ട ജില്ലയില് മല്ലപ്പള്ളി (0469-2680574/8547005010)യിലും പ്രവര്ത്തിക്കുന്ന ടെക്നിക്കല് ഹയര് സെക്കന്ററി സ്കൂളുകളില് 2026-27 അദ്ധ്യയന വര്ഷത്തില് എട്ടാം ക്ലാസ് പ്രവേശനത്തിന് അര്ഹരായവരില് നിന്നും ഓണ്ലൈന് അപേക്ഷ ക്ഷണിച്ചു. അപേക്ഷകര് 01.06.2026നു 16 വയസ് തികയാത്തവരായിരിക്കണം.
ഏഴാം ക്ലാസോ തത്തുല്യ പരീക്ഷയോ പാസ്സായവര്ക്കും പരീക്ഷാ ഫലം കാത്തിരിക്കുന്നവര്ക്കും അപേക്ഷിക്കാം. അപേക്ഷകള് നേരിട്ടും, ihrd.kerala.gov.in/ths മുഖേന ഓണ്ലൈനായും സമര്പ്പിക്കാം. അപേക്ഷയുടെ രജിസ്ട്രേഷന് ഫീസായി 115 രൂപ (എസ്.സി/എസ്.റ്റി വിദ്യാര്ത്ഥികള്ക്ക് 60 രൂപ) അപേക്ഷിക്കാന് ഉദ്ദേശിക്കുന്ന സ്കൂളിന്റെ ബാങ്ക് അക്കൗണ്ടില് അടച്ച്, പണമടച്ചതിന്റെ വിശദാംശങ്ങള് ഓണ്ലൈന് പോര്ട്ടലില് രേഖപ്പെടുത്തണം. അപേക്ഷാ ഫീസ് ബന്ധപ്പെട്ട സ്കൂള് ഓഫീസില് പണമായോ, പ്രിന്സിപ്പലിന്റെ പേരില് മാറാവുന്ന ഡി.ഡി ആയോ നല്കാവുന്നതാണ്. പ്രോസ്പെക്ടസ്സ് വെബ്സൈറ്റില് ലഭ്യമാണ്. അപേക്ഷകള് ഓണ്ലൈനായി ഏപ്രില് 15 വൈകിട്ട് 4 വരെയും സ്കൂളില് നേരിട്ട് ഏപ്രില് 16 വൈകുന്നേരം 4 വരെയും സമര്പ്പിക്കാം.
