കൊച്ചി: അശ്ലീല സിനിമകളില് അഭിനയിച്ചുവെന്ന് ചൂണ്ടിക്കാട്ടി താരസംഘടന അമ്മയുടെ പ്രസിഡന്റും നടിയുമായ ശ്വേത മേനോനെതിരെ നല്കിയ ക്രിമിനല് കേസ് ഹൈക്കോടതി റദ്ദാക്കി. അശ്ലീല സിനിമകളില് അഭിനയിച്ചുവെന്നും അതിന്റെ ദൃശ്യങ്ങള് പ്രചരിപ്പിച്ചുവെന്നും ആരോപിച്ചായിരുന്നു കേസ്. സെന്ട്രല് പൊലീസ് എഫ്ഐആറില് ചുമത്തിയ വകുപ്പുകള് നിലനില്ക്കുന്നതല്ലെന്ന് കോടതി ചൂണ്ടിക്കാട്ടി. അമ്മയുടെ തെരഞ്ഞെടുപ്പിന് തൊട്ടുമുമ്പ് നല്കിയ പരാതി ദുരുദ്ദേശപരമാണ്. പരാതിക്കാരന് വ്യക്തി വൈരാഗ്യവും ഗൂഢലക്ഷ്യവും മുന്നിര്ത്തിയാണ് പരാതി നല്കിയതെന്ന് ഹൈക്കോടതി വ്യക്തമാക്കി.
