കൊല്ലം: നിയമസഭാ തിരഞ്ഞെടുപ്പ് കഴിയും വരെ തനിക്കെതിരായ സോളാര് കേസിലെ വിചാരണ നടപടികള് നിര്ത്തി വെയ്ക്കണമെന്നാവശ്യപ്പെട്ട് മന്ത്രി കെ.ബി ഗണേഷ് കുമാര് സമര്പ്പിച്ച ഹര്ജി കൊട്ടാരക്കര ജുഡീഷ്യല് മജിസ്ട്രേറ്റ് കോടതി തള്ളി.
സോളാര് കേസിലെ പരാതിക്കാരിയുടെ 21 പേജുള്ള കത്ത് തിരുത്തി ഉമ്മന് ചാണ്ടിയുടെ പേര് ഉള്പ്പെടുത്തി 25 പേജ് ആക്കിയതിനു പിന്നില് ഗണേഷ് കുമാറാണെന്നാണ് അഡ്വ. സുധീര് ജേക്കബ് നല്കിയ കേസിലെ പ്രധാന ആരോപണം. സാക്ഷി മൊഴികള് അടക്കം തിരഞ്ഞെടുപ്പ് പ്രചാരണത്തില് ആയുധമാക്കുമെന്നായിരുന്നു ഇതിനെതിരെ വിചാരണ നടപടികള് നിര്ത്തി വെയ്ക്കണമെന്നാവശ്യപ്പെട്ട് ഗണേഷ് കുമാര് നല്കിയ ഹര്ജിയില് ചൂണ്ടിക്കാട്ടിയിരുന്നത്. എന്നാല് ഈ വാദം കോടതി അംഗീകരിച്ചില്ല.
