ന്യൂദല്ഹി:വയനാട് തുരങ്ക പാതയ്ക്ക് കേന്ദ്രം നല്കിയ പാരിസ്ഥിതിക അനുമതി റദ്ദാക്കണമെന്ന് ആവശ്യപ്പെട്ട് സുപ്രീം കോടതിയില് ഹര്ജി. നിര്മാണം അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ട് വയനാട് പ്രകൃതി സംരക്ഷണ സമിതിയാണ് കോടതിയെ സമീപിച്ചത്.
പദ്ധതിക്കെതിരെ സമിതി ഹൈക്കോടതിയെ സമീപിച്ചെങ്കിലും തള്ളിയിരുന്നു. പിന്നാലെയാണ് ഇവര് സുപ്രീം കോടതിയെ സമീപിച്ചത്. വേണ്ടത്ര പഠനം നടത്താതെയാണ് അനുമതി നല്കിയത്. 2018, 2019, 2024 വര്ഷങ്ങളില് മണ്ണിടിച്ചിലും ഉരുള്പൊട്ടലും ഉണ്ടായ പ്രദേശത്താണ് തുരങ്ക നിര്മാണം നടക്കുന്നത്.
മുണ്ടക്കെ, ചൂരല്മല ഗ്രാമങ്ങള്ക്ക് സമീപം വഴിയാണ് ഈ തുരങ്ക പാത കടന്നു പോകുന്നത്. നടപടിക്രമങ്ങള് പാലിക്കാതെയാണ് പദ്ധതിക്കുള്ള പരിസ്ഥിതി അനുമതി നല്കിയതെന്നും ഹര്ജിയില് പറയുന്നു. ആനക്കാംപൊയില് – കള്ളാടി – മേപ്പാടി തുരങ്കപാതയുടെ ആദ്യ സ്ഫോടനത്തിന്റെ സ്വിച്ച് ഓണ് കഴിഞ്ഞ ദിവസമാണ് മുഖ്യമന്ത്രി പിണറായി വിജയന് നിര്വഹിച്ചത്.
വയനാട് – കോഴിക്കോട് ജില്ലകളെ ബന്ധിപ്പിക്കുന്ന തുരങ്കപാതയുടെ ദൈര്ഘ്യം 8.73 കിലോമീറ്റര് ആണ്. കിഫ്ബി ഫണ്ട് ഉപയോഗിച്ചാണ് ഈ പദ്ധതിയുടെ നിര്മാണം പൂര്ത്തിയാക്കുന്നത്.
Main
