പാലക്കാട്: ഡിജിറ്റല് അറസ്റ്റെന്ന് ഭീഷണിപ്പെടുത്തി കോങ്ങാട് എംഎല്എ കെ.ശാന്തകുമാരിയില് നിന്ന് പണം തട്ടാന് ശ്രമം. പഹല്ഗാം ഭീകരാക്രമണത്തിന് ധന സഹായം നല്കിയത് ശാന്തകുമാരിയുടെ അക്കൗണ്ടില് നിന്നാണെന്ന് പറഞ്ഞാണ് ഭീഷണിപ്പെടുത്തി തട്ടിപ്പിന് ശ്രമിച്ചത്.
തുടര്ന്ന് കെ.ശാന്തകുമാരി എംഎല്എ പൊലീസില് പരാതി നല്കി. വെള്ളിയാഴ്ച രാവിലെയാണ് എടിഎസില് നിന്നാണെന്ന് പറഞ്ഞ് ഫോണ് വന്നത്. പഹല്ഗാം ഭീകരാക്രമണത്തില് പങ്കുള്ള ഒരു പ്രതി ഈ ഫോണ് നമ്പര് ഉപയോഗിച്ചെന്ന് തട്ടിപ്പുകാര് പറഞ്ഞു.
തിരുവനന്തപുരത്തുള്ള സൈബര് സെല് ബന്ധപ്പെടുമെന്നും പ്രശ്നം ഗുരുതരമാണെന്നും തെരഞ്ഞെടുപ്പ് അടുത്തിരിക്കുവല്ലേയെന്നും സംഘം പറഞ്ഞു.തുടര്ന്ന് വിളിച്ചപ്പോള് താന് ഫോണ് എടുത്തില്ലെന്നും കെ.ശാന്തകുമാരി പറഞ്ഞു.സംഭവത്തില് പൊലീസ് അന്വേഷണം ആരംഭിച്ചു.
