കാസര്ഗോഡ്: വ്യാജ മോഷണക്കുറ്റം ആരോപിച്ചതിനെ തുടര്ന്ന് കാസര്കോട് നാലത്തടുക്കയില് വീട്ടമ്മയായ യുവതി ജീവനൊടുക്കിയ സംഭവത്തില് ആണ് സുഹൃത്തിന്റെ മാതാവ് അയല്വാസിയായ ആയിഷ (48) അറസ്റ്റില്.ജസീല ജീവനൊടുക്കിയ സംഭവത്തിലാണ് പൊവ്വല് സ്വദേശി ആയിഷഅറസ്റ്റിലായത്.
വിദ്യാനഗര് പൊലീസാണ് ആത്മഹത്യാ പ്രേരണ കുറ്റം ചുമത്തി അറസ്റ്റ് ചെയ്തത്. ജസീല ഒമ്പതു പവനോളം സ്വര്ണം മോഷ്ടിച്ചു എന്നായിരുന്നു ഭര്ത്താവിന്റെ വീട്ടിനടുത്തുള്ള അയല് വീട്ടുകാര് ആരോപിച്ചിരുന്നത്. ഇതേത്തുടര്ന്ന് ജസീല കടുത്ത മാനസിക വിഷമത്തിലായിരുന്നു.
വീഡിയോ ചിത്രീകരിച്ചതിന് ശേഷമാണ് ജസീല ജീവനൊടുക്കിയത്. വീഡിയോയില് ആണ്സുഹൃത്തിന്റെ മാതാപിതാക്കള് അടക്കമുള്ളവര്ക്കെതിരെ ഇവര് പരാതി ഉന്നയിച്ചിരുന്നു.സ്വര്ണം കാണാതായി എന്നതുമായി ബന്ധപ്പെട്ട് ജസീലയെ സംശയിക്കുകയും ആദൂര് പൊലീസില് പരാതി നല്കുകയും ചെയ്തിരുന്നു.പൊലീസ് ജസീലയെ ചോദ്യം ചെയ്യുകയും പങ്കില്ലെന്ന് ബോധ്യപ്പെട്ടതിനെ തുടര്ന്ന് വിട്ടയയ്ക്കുകയും ചെയ്തു. പൊലീസ് നടത്തിയ അന്വേഷണത്തില് മോഷണപരാതി വ്യാജമാണെന്ന് കണ്ടെത്തിയിരുന്നു.
എന്നാല് സ്വര്ണം എങ്ങനെയാണ് കാണാതായതെന്ന കാര്യത്തില് ഇതുവരെ വ്യക്തത വന്നിട്ടില്ല. സ്വര്ണം നഷ്ടപ്പെട്ടു എന്ന് തന്നെയാണ് പൊലീസ് പറയുന്നത്.
