തൃശൂര്: ജ്യോതിഷത്തിൽ ഒരു ഗ്രഹത്തിന്റെ ദശാകാലം അവസാനിച്ചു അടുത്ത ഗ്രഹത്തിന്റെ ദശ തുടങ്ങുന്ന സന്ധിഘട്ടത്തെയാണ് ദശാസന്ധി എന്ന് പറയുന്നത്. ഇത് ജീവിതത്തിൽ വലിയ മാറ്റങ്ങളും, അനിശ്ചിതത്വവും, ചിലപ്പോൾ പ്രതിസന്ധികളും ഉണ്ടാക്കുന്ന കാലയളവാണ്. ഈ സമയത്ത് ഗ്രഹങ്ങളുടെ ഊർജ്ജത്തിലുണ്ടാകുന്ന അസന്തുലിതാവസ്ഥ കാരണം ആരോഗ്യപ്രശ്നങ്ങൾ, സാമ്പത്തിക നഷ്ടം, അല്ലെങ്കിൽ ബന്ധങ്ങളിൽ വിള്ളലുകൾ, ദുര്മരണം എന്നിവയ്ക്ക് സാധ്യതയുണ്ട്.
ചൊവ്വാ-രാഹു സന്ധി, ശുക്ര-സൂര്യ സന്ധി, രാഹു-വ്യാഴ സന്ധി എന്നിവ കഠിനം
ഒരു ദശ അവസാനിക്കുന്നതിന്റെ അവസാനത്തെ കുറച്ചു ദിവസങ്ങളും പുതിയ ദശ തുടങ്ങുന്നതിന്റെ ആദ്യത്തെ കുറച്ചു ദിവസങ്ങളും ചേർന്നതാണ് (സാധാരണയായി 1-3 മാസം അല്ലെങ്കിൽ കൂടുതൽ) ഈ സമയം.
നല്ല ദശ കഴിഞ്ഞ് മോശം ദശ (പാപഗ്രഹങ്ങൾ) വരുമ്പോഴാണ് ദോഷം കൂടുതൽ അനുഭവപ്പെടുക. എന്നാൽ നല്ല ദശകളിലേക്ക് മാറുമ്പോൾ മാറ്റങ്ങൾ ഗുണകരമാകും. പ്രധാനപ്പെട്ട സന്ധികൾ: ചൊവ്വ-രാഹു സന്ധി, ശുക്ര-സൂര്യ സന്ധി, രാഹു-വ്യാഴ സന്ധി എന്നിവ സാധാരണയായി കഠിനമായി കണക്കാക്കപ്പെടുന്നു.
വിവാഹപ്പൊരുത്തത്തില് ദശാസന്ധിയും നോക്കണം; അപമൃത്യു വരെ സംഭവിക്കാം
വിവാഹത്തിനായി ജാതകപ്പൊരുത്തം നോക്കുമ്പോള് ദശാസന്ധിയും നോക്കണം. മനപ്പൊരുത്തം മാത്രം പോര നല്ലൊരു വിവാഹബന്ധം ശരിയായി വിളങ്ങാന്. പന്ത്രണ്ട് വര്ഷം കഴിഞ്ഞാല് ദശാസന്ധി പ്രശ്നമില്ല എന്ന് ചില ജ്യോതിഷികള് പറയാറുണ്ട്. എന്തായാലും ദശാസന്ധികൊണ്ട് വിവാഹജീവിതത്തില് അപമൃത്യു വരെ സംഭവിക്കാം.
അതുകൊണ്ട് വിവാഹപൊരുത്തം നോക്കുമ്പോള് പെണ്കുട്ടിയുടെയും ആണ്കുട്ടിയുടെയും ജാതകത്തില് ദശാസന്ധി പരിശോധിക്കേണ്ടതുണ്ട്. രണ്ട് ജാതകങ്ങളിലെയും ദശാസന്ധി വിലയിരുത്തണം.രണ്ട് ജാതകങ്ങളിലെയും ദശകൾ അവസാനിക്കുന്ന കാലഘട്ടങ്ങൾക്കിടയിൽ കുറഞ്ഞത് ഒരു വർഷത്തിന് മുകളില് കാലയളവ് ഉണ്ടായിരിക്കണം. ഒരാളുടെ ജാതകത്തില് മഹാദശയായ രാഹുദശ അവസാനിക്കുമ്പോള് മറ്റൊരാളുടെ ജാതകത്തില് മഹാദശയായ വ്യാഴദശ തുടങ്ങുകയാണെന്നിരിക്കട്ടെ. എങ്കില് അവിടെ ദശാസന്ധിയുണ്ട് എന്ന് പറയാം. രാഹുദശ, വ്യാഴ ദശ ശനിദശ എന്നിവയെയാണ് മഹാദശ എന്ന് പറയാം. .
പുരുഷന്മാർക്ക് രാഹു/വ്യാഴ ദശസന്ധിയും, സ്ത്രീകൾക്ക് ശുക്രൻ/സൂര്യ ദശസന്ധിയും, സ്ത്രീകൾക്കും പുരുഷന്മാർക്കും ചൊവ്വ/രാഹു ദശസന്ധിയും ശത്രുതയുള്ളവയാണ്. ദശാസന്ധി മധ്യമത്തിലോ നീചത്തിലോ വരികയാണെങ്കില് അത് ബുദ്ധിമുട്ടാണ്.
പരിഹാരങ്ങള് എന്തൊക്കെ?
ജാതകം പരിശോധിച്ച്, തീരുന്ന ദശയിലെയും തുടങ്ങുന്ന ദശയിലെയും ഗ്രഹങ്ങൾക്ക് വേണ്ടിയുള്ള പൂജകൾ, വഴിപാടുകൾ, ദാനങ്ങൾ എന്നിവ ചെയ്യുന്നതിലൂടെ ദോഷഫലങ്ങൾ കുറയ്ക്കാം. സാധാരണ പരിഹാരമായി മൃത്യുഞ്ജയ പുഷ്പാഞ്ജലി കഴിക്കാവുന്നതാണ്. ദശാസന്ധി കാലത്ത് ജാഗ്രത വേണമെങ്കിലും, എല്ലാവർക്കും ഇത് ഒരുപോലെ ബാധിക്കില്ല. ജാതകത്തിലെ ഗ്രഹസ്ഥിതി അനുസരിച്ച് ഇതിന്റെ തീവ്രതയിൽ ഏറ്റക്കുറച്ചിലുകൾ ഉണ്ടാകാം.
