തിരുവനന്തപുരം: പശ്ചിമേഷ്യന് മേഖലയില് സംഘര്ഷസാഹചര്യത്തെ തുടര്ന്ന് ആരംഭിച്ച നോര്ക്ക ഹെല്പ്പ് ഡെസ്കില് വ്യാഴാഴ്ച വൈകിട്ട് 5 മണിവരെ 830 പേര് ബന്ധപ്പെട്ടു. ഇന്ത്യയില് നിന്നും 538 പേരും യു.എ.ഇ 148, ഖത്തര് 59, ബഹ്റൈന് 52, കുവൈത്ത് 16, ഒമാന് 5, സൗദി അറേബ്യ 10 യുകെ 2 പേരുമാണ് ബന്ധപ്പെട്ടത്. മേഖലയിലെ നിലവിലെ സാഹചര്യം, ഹെല്പ് ഡെസ്ക്കുകളില് ലഭിച്ച വിവരങ്ങള്, അടിയന്തിരമായി സഹായ ലഭ്യമാക്കേണ്ടവ എന്നിവ നോര്ക്ക സെന്ററില് ചേര്ന്ന അവലോകനയോഗങ്ങള് വിലയിരുത്തി.
പ്രവാസി കേരളീയര് അതത് രാജ്യങ്ങളിലെ ഭരണകൂടങ്ങളും ഇന്ത്യന് മിഷനുകളും ബന്ധപ്പെട്ട അധികാരികളും നല്കുന്ന ഔദ്യോഗിക അറിയിപ്പുകള് മാത്രം പിന്തുടരണം. പ്രവാസികേരളീയര്ക്കും ബന്ധുക്കള്ക്കും അടിയന്തിര സഹായം ആവശ്യമുളളവര്ക്കും ബന്ധപ്പെടുന്നതിനായി 24 മണിക്കൂറും പ്രവര്ത്തിക്കുന്ന നോര്ക റൂട്ട്സ് ഹെല്പ്ഡെസ്ക് +91-8802012345 (അന്താരാഷ്ട്ര മിസ്ഡ് കോള്), 18004253939 (ടോള് ഫ്രീ നമ്പര്, ഇന്ത്യയില് നിന്നും) ന്യൂഡല്ഹി കേരള ഹൗസ് കണ്ട്രോള് റൂം (011-23747079, 011-23742320, +91-9310443880) എന്നിവയ്ക്കു പുറമേ നോര്ക്ക സെന്ററില് എല്ലാ ദിവസവും രാത്രി 10 മണി വരെ പ്രവര്ത്തിക്കുന്ന കണ്ട്രോള് റൂമും സജ്ജമാക്കിയിട്ടുണ്ട്. കേന്ദ്ര വിദേശകാര്യ മന്ത്രാലയം കണ്ട്രോള് റൂം 9 AM to 9 PM 1800118797 (Toll Free), +91 11 2301 2113, +91 11 2301 4104, +91 11 2301 7905. അടിയന്തിര സഹായത്തിനായി അതാത് രാജ്യത്തെ ഇന്ത്യന് മിഷനുകളിലും ബന്ധപ്പെടാം.
