തിരുവനന്തപുരം: കുസാറ്റില് വിവിധ പ്രൊഫഷണല് ഡിഗ്രി കോഴ്സുകള്ക്ക് കായിക താരങ്ങള്ക്കായി സംവരണം ചെയ്തിട്ടുള്ള സീറ്റുകളിലേക്ക് കേരള സ്റ്റേറ്റ് സ്പോര്ട്സ് കൗണ്സില് അപേക്ഷ ക്ഷണിച്ചു. കൊച്ചി ശാസ്ത്ര സാങ്കേതിക സര്വ്വകലാശാല പ്രോസ്പക്ട്സിലെ പേജ് നമ്പര് 117, 118 പ്രകാരം യോഗ്യതയുള്ള കായിക താരങ്ങള് കൊച്ചി ശാസ്ത്ര സാങ്കേതിക സര്വ്വകലാശാല രജിസ്ട്രാര്ക്ക് സമര്പ്പിക്കുന്ന അപേക്ഷയുടെ ഫോട്ടോ സ്റ്റാറ്റ് കോപ്പി, കായിക നേട്ടങ്ങളുടെ സര്ട്ടിഫിക്കറ്റുകളുടെ പകര്പ്പ് ഉള്പ്പെടെ കേരള സ്റ്റേറ്റ് സ്പോര്ട്സ് കൗണ്സിലില് സമര്പ്പിക്കണം.
2024 ഏപ്രില് 1 മുതല് 2026 മാര്ച്ച് 31 വരെയുള്ള കാലഘട്ടങ്ങളില് കേരള സ്റ്റേറ്റ് സ്പോര്ട്സ് കൗണ്സില് അംഗീകരിച്ചിട്ടുള്ള കായികയിനങ്ങളില് ജില്ലയെ പ്രതിനീധികരിച്ച് സംസ്ഥാന ജൂനിയര്/ യൂത്ത് മത്സരങ്ങളില് പങ്കെടുത്ത് മൂന്നാം സ്ഥാനം കരസ്ഥമാക്കല്, റവന്യൂ ജില്ലയെ പ്രതിനീധികരിച്ച് സംസ്ഥാന സ്കൂള് മത്സരങ്ങളില് മൂന്നാം സ്ഥാനം കരസ്ഥമാക്കല് എന്നിവയാണ് കുറഞ്ഞ യോഗ്യതയായി കണക്കാക്കിയിട്ടുള്ളത്. പ്രസ്തുത വര്ഷങ്ങളില് സ്പോര്ട്സ് പ്രാവീണ്യം തെളിയിച്ചിട്ടുള്ള സര്ട്ടിഫിക്കറ്റുകള് മാത്രമേ പരിഗണിക്കുകയൂള്ളൂ. അപേക്ഷകള് സ്പോര്ട്സ് പ്രാവീണ്യം തെളിയിക്കുന്ന സര്ട്ടിഫിക്കറ്റുകളുടെ പകര്പ്പ് മുന്ഗണനാക്രമത്തില് അപേക്ഷയോടൊപ്പം ഉള്ളടക്കം ചെയ്യണം. അസ്സോസിയേഷനുകള് സംഘടിപ്പിക്കുന്ന ചാമ്പ്യന്ഷിപ്പുകളുടെ സര്ട്ടിഫിക്കറ്റുകള് അതത് കായികയിനങ്ങളുടെ സംസ്ഥാന സെക്രട്ടറിയും സ്കൂള് ഗെയിംസ് സര്ട്ടിഫിക്കറ്റുകള് വിദ്യാഭ്യാസ ഡെപ്യൂട്ടി ഡയറക്ടറും (സ്പോര്ട്സ്) സാക്ഷ്യപ്പെടുത്തണം. കൂടുതല് വിവരങ്ങള്ക്ക് ഫോണ്: 0471-2330167/2331456.
