മുംബയ്: ട്വന്റി 20 ലോകപ്പിന്റെ രണ്ടാം സെമിയില് ഇന്ത്യക്കെതിരെ ഇംഗ്ലണ്ടിന് 254 റണ്സ് വിജയലക്ഷ്യം.മലയാളി താരം സഞ്ജു സാംസണിന്റെ വെടിക്കെട്ട് ബാറ്റിംഗ് പ്രകടനമാണ് ഇന്ത്യക്ക് കരുത്തായത്.
ടോസ് നഷ്ടമായി ആദ്യം ബാറ്റ് ചെയ്ത ഇന്ത്യ 20 ഓവറില് 7 വിക്കറ്റ് നഷ്ടത്തില് 253 റണ്സെടുത്തു. ടി20 ലോകകപ്പ് ചരിത്രത്തില് നോക്കൗട്ട് മത്സരങ്ങളിലെ ഏറ്റവും ഉയര്ന്ന വിജയലക്ഷ്യമാണിത്. സഞ്ജു 42 പന്തില് 89 റണ്സെടുത്ത് ഇന്ത്യയുടെ ടോപ് സ്കോററായി. ശിവം ദുബെ 25 പന്തില് 43 റണ്സെടുത്തു. ഇഷാന് കിഷന് 18 പന്തില് 39 റണ്സും ഹാര്ദ്ദിക് പാണ്ഡ്യ 12 പന്തില് 27 റണ്സും തിലക് വര്മ 7 പന്തില് 21ഉം റണ്സെടുത്തു.
ക്യാപ്റ്റന് സൂര്യകുമാര് യാദവും(6 പന്തില് 11), അഭിഷേക് ശര്മയും(7 പന്തില് 9) നിരാശപ്പെടുത്തി. ഇംഗ്ലണ്ടിനായി വില് ജാക്സ് രണ്ട് വിക്കറ്റ് നേടി. ജോഫ്ര ആര്ച്ചര് നാലോവറില് 61 റണ്സ് വഴങ്ങി ഒരു വിക്കറ്റെടുത്തു.
