തിരുവനന്തപുരം: ബസില് വനിത അഭിഭാഷകയെ ശല്യം ചെയ്തെന്ന കേസില് പൊലീസ് തെരയുന്നയാള് ലോഡ്ജില് മരിച്ച നിലയില്. ബാലരാമപുരം സ്വദേശി വിമല്കുമാറിനെയാണ് വര്ക്കലയിലെ ലോഡ്ജില് ജീവനൊടുക്കിയ നിലയില് കണ്ടെത്തിയത്. വൈകിയും മുറി തുറക്കാഞ്ഞതു ശ്രദ്ധയില് പെട്ട ലോഡ്ജ് ജീവനക്കാര് പൊലീസില് അറിയിക്കുകയായിരുന്നു. ഇയാളുടെ ഫോട്ടോ സമൂഹമാധ്യമങ്ങളില് പ്രചരിച്ചതിനു പിന്നാലെയാണ് ആത്മഹത്യ.
ഫെബ്രുവരി 11ന് വൈകിട്ട് ആറ്റിങ്ങലില് നിന്ന് കെഎസ്ആര്ടിസി ബസില് കയറിയ തന്നെ ഇയാള് ശല്യം ചെയ്തെന്നായിരുന്നു വനിത അഭിഭാഷകയുടെ പരാതി. തുടര്ന്ന് പൊലീസ് കേസ് എടുത്തതോടെ ഇയാള് ഒളിവില് പോയി.
ദൃശ്യങ്ങള് സഹിതമാണ് അഭിഭാഷക പരാതി നല്കിയത്. പൊലീസ് ഇയാള്ക്കായി തെരച്ചില് നടത്തുന്നതിനിടെയാണ് മരണം.
