ന്യൂയോർക്ക് : കുവൈറ്റ് ആക്രമണത്തിൽ കൊല്ലപ്പെട്ട ആറാമത്തെ സൈനികനെ യുഎസ് തിരിച്ചറിഞ്ഞു. കുവൈറ്റിലെ ആക്രമണത്തിൽ കൊല്ലപ്പെട്ട ആറാമത്തെ സൈനികൻ കാലിഫോർണിയയിലെ സാക്രമെന്റോയിൽ നിന്നുള്ള ചീഫ് വാറന്റ് ഓഫീസർ 3 റോബർട്ട് എം മർജൻ (54) ആണെന്ന് പെന്റഗൺ അറിയിച്ചു.
2026 മാർച്ച് 1 ന് കുവൈറ്റിലെ പോർട്ട് ഷുഐബയിൽ നടന്ന സംഭവം നടന്ന സ്ഥലത്ത് മർജൻ ഉണ്ടായിരുന്നുവെന്നും സംഭവസ്ഥലത്ത് തന്നെ അദ്ദേഹം കൊല്ലപ്പെട്ടുവെന്നും പെന്റഗൺ പ്രസ്താവനയിൽ പറഞ്ഞു. ഞായറാഴ്ച കുവൈറ്റിലെ പോർട്ട് ഷുഐബയിലെ ഒരു കമാൻഡ് സെന്ററിൽ ഇറാന്റെ ഡ്രോൺ വ്യോമ പ്രതിരോധ സംവിധാനത്തെ കടത്തി വെട്ടി ആക്രമണം നടത്തിയതിനിടെയാണ് ആറ് യുഎസ് സൈനികർ കൊല്ലപ്പെട്ടത്.
കൊല്ലപ്പെട്ടവരിൽ ചീഫ് വാറന്റ് ഓഫീസർ 3 റോബർട്ട് എം മർസാന് പുറമെ മേജർ ജെഫ്രി ആർ ഒ’ബ്രയാൻ (45), ക്യാപ്റ്റൻ കോഡി ഖോർക്ക് (35), സാർജന്റ് നോഹ ടൈറ്റ്ജെൻസ് (42), സാർജന്റ് നിക്കോൾ അമോർ (39), സാർജന്റ് ഡെക്ലാൻ കോഡി (20) എന്നിവരും ഉൾപ്പെടുന്നുണ്ട്.
