തിരുവല്ല: നിരണത്തെ ബാസ്കറ്റ്ബാള് പ്രേമികളുടെ സ്വപ്ന സാക്ഷാത്കാരം സഫലമായി. യുവാക്കള് സംഘടിച്ച് തുക സ്വരുകൂട്ടുകയും ബാംഗ്ലൂരിലെ ദി ഓപ്പര്ച്യുണിറ്റി ഫൗണ്ടേഷന് വക ഇരുപത്തിയഞ്ചു ലക്ഷം ചേര്ത്ത് നടപ്പാക്കിയ മേല്ക്കൂര പദ്ധതിയും ചേര്ത്താണ് സ്റ്റേഡിയം യാഥാര്ത്ഥ്യമാക്കിയത്. ഇതിന്റ ഉദ്ഘാടനം സെന്റ് തോമസ് എച്ച്.എസ്. ഇന്ഡോര് ബാസ്കറ്റ്ബോള് സ്റ്റേഡിയത്തില് നടന്ന ചടങ്ങില് സംഘടിപ്പിച്ചു.
മേല്ക്കൂര പദ്ധതി സാധ്യമാക്കിയ .എക്സ്പീഡിറ്റേഴ്സ് ബാംഗ്ലൂരിന്റെ സിഎസ്ആര് വിഭാഗമായ ബാംഗ്ലൂരിലെ ദി ഓപ്പര്ച്യുണിറ്റി ഫൗണ്ടേഷന്റെ ചീഫ് എക്സിക്യൂട്ടീവ് ആനന്ദ് ചതുര്വേദി ഉദ്ഘാടനം നിര്വഹിച്ചു.
ഉദ്ഘാടനത്തിന് തൊട്ടുപിന്നാലെ നടന്ന സെന്റ് തോമസ് ട്രോഫിക്കായുള്ള മത്സരത്തില് കുട്ടികളുടെ വിഭാഗത്തില് സെന്റ് തോമസ് സ്പോര്ട്സ് അക്കാദമി വെണ്ണിക്കുളം ബഥനി സ്കൂള് അക്കാദമിയെ (26-20)ന്പരാജയപ്പെടുത്തി.
