ടെല് അവീവ്: പരമോന്നത നേതാവായി ഇറാന് ആരെ നിയമിച്ചാലും ആ നേതാവിനെയും തീര്ത്തുകളയുമെന്ന് ഭീഷണിയുമായി ഇസ്രയേല്. പുതിയ പരമോന്നത നേതാവായി മൊജ്താബ ഹുസൈനി ഖമേനിയെ തെരഞ്ഞെടുത്തെന്ന വാര്ത്ത പ്രചരിക്കുന്നതിനിടെയാണ്
പ്രതിരോധമന്ത്രി ഇസ്രയേല് കാറ്റ്സാണിന്റെ ഭീഷണി.
ഇസ്രയേലിനെ നശിപ്പിക്കാനും യുഎസിനേയും സ്വതന്ത്രലോകത്തെയും ഭീഷണിപ്പെടുത്താനും, ഇറാനിലെ ജനങ്ങളെ അടിച്ചമര്ത്താനുമായി ഇറാനിയന് ഭരണകൂടം നിയമിക്കുന്ന എല്ലാ നേതാക്കളേയും ഇസ്രയേല് ഉന്മൂലനം ചെയ്യും. അതിന് അയാളുടെ പേരോ സ്ഥലമോ ഒളിച്ചിരിക്കുന്ന കേന്ദ്രമോ ഒന്നും പ്രശ്നമല്ലെന്നും കാറ്റ്സ് സമൂഹ മാധ്യമങ്ങളിലൂടെ അറിയിച്ചു.
ഇസ്രയേലിനെ നശിപ്പിക്കാനും യുഎസിനേയും സ്വതന്ത്രലോകത്തെയും ഭീഷണിപ്പെടുത്താനും, ഇറാനിലെ ജനങ്ങളെ അടിച്ചമര്ത്താനുമായി ഇറാനിയന് ഭരണകൂടം നിയമിക്കുന്ന എല്ലാ നേതാക്കളേയും ഇസ്രയേല് ഉന്മൂലനം ചെയ്യും. അതിന് അയാളുടെ പേരോ സ്ഥലമോ ഒളിച്ചിരിക്കുന്ന കേന്ദ്രമോ ഒന്നും പ്രശ്നമല്ലെന്നും കാറ്റ്സ് സമൂഹ മാധ്യമങ്ങളിലൂടെ അറിയിച്ചു.
അതേസമയം യുഎസുമായി ചര്ച്ച നടത്താന് ഉദ്ദേശ്യമില്ലെന്നും യുദ്ധം തുടരുമെന്നും ആവര്ത്തിച്ച് ഇറാന്. യുഎസ്- ഇസ്രയേല് സംയുക്ത ആക്രമണത്തില് കൊല്ലപ്പെട്ട മുന് പരമോന്നത നേതാവ് ആയത്തുള്ള അലി ഖമേനിയുടെ സഹായിയായിരുന്ന മുഹമ്മദ് മൊഖ്ബര് ആണ് ഈ കാര്യം വ്യക്തമാക്കിയത്.
അമേരിക്കയില് വിശ്വാസമില്ല. അവരുമായി ഒരു ചര്ച്ചയ്ക്കും താത്പര്യമില്ല. എത്ര കാലം വേണമെങ്കിലും യുദ്ധം തുടരാം, മൊഖ്ബര് പറഞ്ഞു.
ഞങ്ങളുടെ മേല് അടിച്ചേല്പ്പിച്ച യുദ്ധമാണിതെന്നും ആക്രമണം അവസാനിക്കുന്നത് വരെ ശക്തമായ പ്രതിരോധം തുടരുമെന്നുമാണ് ഐക്യരാഷ്ട്രസഭയിലെ ഇറാന് പ്രതിനിധി അലി ബഹ്റൈനി പ്രതികരിച്ചത്.
ഇറാനുമായി ഇനി ചര്ച്ചകള്ക്കില്ലെന്ന് ട്രംപും വ്യക്തമാക്കിയിട്ടുണ്ട്. ഇറാന് ചര്ച്ചയ്ക്ക് തയാറാണെങ്കിലും അത് വളരെ വൈകിപ്പോയി എന്നാണ് ട്രംപിന്റെ നിലപാട്. യുഎസിനെതിരെ 17-ാമത്തെ ആക്രമണ തരംഗമാണ് നടത്തുന്നതെന്ന് ഇറാന്റെ ഇസ്ലാമിക് റെവല്യൂഷണറി ഗാര്ഡ്സ് കോര് (ഐആര്ജിസി) നേരത്തെ പറഞ്ഞിരുന്നു. ഓപ്പറേഷന് ട്രൂ പ്രോമിസ് എന്നാണ് ഐആര്ജിസി പ്രത്യാക്രമണങ്ങള്ക്ക് നല്കിയിരിക്കുന്ന പേര്.
