കാറ്റലോണിയ: ലാലിഗ ഫുട്ബോളിന് സൂപ്പര് കൗമാര ഫുട്ബോളര് ലാമിനെ യമാലിന്റെ ഹാട്രിക് തിളക്കം. വിയ്യാറയലിനെതിരായ മത്സരത്തില് യമാലിന്റെ ഹാട്രിക് മികവില് നേടിയത് 4-1ന്റെ തകര്പ്പന് ജയം.
സ്വന്തം നൗകാമ്പില് നടന്ന മത്സരത്തിന്റെ ആദ്യ പകുതിയില് യമാല് രണ്ട് ഗോളുകളും രണ്ടാം പകുതിയില് ഒരു ഗോളും നേടി. കളിക്ക് 28 മിനിറ്റായപ്പോഴായിരുന്നു യമാലിന്റെ ആദ്യ ഗോള്. ഒമ്പത് മിനിറ്റ് കൂടി പിന്നിട്ടപ്പോള് അടുത്ത ഗോളും നേടി. ആദ്യ പകുതിയില് ബാഴ്സ 2-0ന് മുന്നില്.
രണ്ടാം പകുതിയുടെ തുടക്കത്തിലേ വിയ്യാറയല് ആതിഥേയരെ ഞെട്ടിച്ചു. 49-ാം മിനിറ്റില് പപ്പെ ഗ്വയേ ഗോളടിച്ചു. 20 മിനിറ്റിന് ശേഷം മികച്ചൊരു ഇടംകാലന് ഷോട്ടില് യമാല് ഹാട്രിക് തികച്ചു. മത്സരത്തിന്റെ സ്റ്റോപ്പേജ് സമയത്താമ് മറ്റൊരു സൂപ്പര് താരം റോബര്ട്ട് ലെവന്ഡോവ്സ്കി ബാഴ്സയ്ക്ക് ഒരു ഗോള് കൂടി സമ്മാനിച്ചു.
