കൊല്ക്കത്ത: എസ്ഐആറിനു ശേഷം പുതിയ വോട്ടര് പട്ടിക പ്രസിദ്ധീകരിച്ചപ്പോള് പശ്ചിമ ബംഗാള് മുഖ്യമന്ത്രി മമത ബാനര്ജിയുടെ മണ്ഡലത്തില് നിന്നു മാത്രം പുറത്തായത് 47111 പേരാണ്. അന്തിമ പട്ടികയില് 63 ലക്ഷം വോട്ടുകളാണ് പശ്ചിമ ബംഗാളില് ഇല്ലാതായത്. സംസ്ഥാനത്താകെ 7.04 കോടി വോട്ടര്മാര് പുതിയ വോട്ടര് പട്ടികയിലുണ്ട്.
കഴിഞ്ഞ തവണ മമത ഭവാനിപൂരില് നിന്ന് തിരഞ്ഞെടുക്കപ്പെട്ടത് അരലക്ഷത്തിനടുത്ത് വോട്ടിന്റെ ഭൂരിപക്ഷത്തിലാണ്. ഏതാണ്ട് അത്രയും തന്നെ വോട്ടര്മാര് അനധികൃതരാണെന്ന് കണ്ട് പട്ടികയില് നിന്ന് പുറത്തായതോടെ അവിടെ ഇനിയൊരു വിജയം മമതയ്ക്ക് വലിയ വെല്ലുവിളിയാവും. തൃണമൂല് കോണ്ഗ്രസിനേറ്റ വലിയ തിരിച്ചടിയാണ് എസ്ഐആര് എന്ന് പ്രതിപക്ഷ നേതാവ് സുവേന്ദു അധികാരി പറഞ്ഞു.
