അബുദാബി: ഇറാന് ഒരു വശത്തും അമേരിക്കയും ഇസ്രായേലും മറ്റൊരു വശത്തുമായുളള സംഘര്ഷം ശക്തമായതോടെ അതീവ ജാഗ്രതയിലാണ് യു എ ഇ. ഇറാന്റെ തിരിച്ചടി ഗള്ഫ് രാജ്യങ്ങളില് കനത്തതോടെ യു എ ഇ സുരക്ഷാ മുന്കരുതലുകള് പ്രഖ്യാപിച്ചു.
മിസൈല് ആക്രമണ ഭീഷണി കണക്കിലെടുത്ത് മൂന്ന് ദിവസം അതീവ ജാഗ്രതയാണ് യു എ ഇ പ്രഖ്യാപിച്ചിരിക്കുന്നത്. മാര്ച്ച് 2, 3, 4 തീയതികളില് രാജ്യത്തെ സ്കൂളുകള്ക്കും വിദ്യാഭ്യാസ സ്ഥാപനങ്ങള്ക്കും അവധി ആയിരിക്കും. പത്താം ക്ലാസ്, പന്ത്രണ്ടാം ക്ലാസ് ഐ സി എസ് ഇ, ഐ എസ് സി പരീക്ഷകള് ഉള്പ്പെടെ മാറ്റി.മൂന്ന് ദിവസവും സര്ക്കാര്-സ്വകാര്യ – മേഖലയിലെ ജീവനക്കാര്ക്ക് ‘വര്ക്ക് ഫ്രം ഹോം’ അനുവദിക്കും .
പ്രധാന വിനോദസഞ്ചാര കേന്ദ്രങ്ങള് അടച്ചു.. ദുബായ് ഗ്ലോബല് വില്ലേജും താത്കാലികമായി അടച്ചു.സന്ദര്ശകരുടെ സുരക്ഷ കണക്കിലെടുത്താണ് തീരുമാനം. ഒരു അറിയിപ്പ് ഉണ്ടാകുന്നതുവരെ ഗ്ലോബല് വില്ലേജിലേക്ക് പ്രവേശനം അനുവദിക്കില്ലെന്നാണ് അറിയിപ്പ്.ജനങ്ങള് അതീവ ജാഗ്രത പാലിക്കണമെന്നും യു എ ഇ ഭരണകൂടം അറിയിച്ചു
