തുടക്കം തന്നെ വിപണിയെ ഞെട്ടിച്ചാണ് മാർച്ച്മാസം ആരംഭിച്ചത്. അന്താരാഷ്ട്ര പ്രതിസന്ധികളും യുദ്ധവുമെല്ലാം പ്രതിഫലിച്ചാണ് ഇന്ത്യയിലെ വിപണി ഉണർന്നത്. ഇന്നലെ രാവിലെ 1,0,800 രൂപയിൽ തുടങ്ങിയ വിപണി വൈകിട്ടായപ്പോൾ മൂവായിരത്തോളം രൂപയുടെ വർദ്ധനവിലേയ്ക്കാണ് എത്തിയത്.
ഇതോടെ ഇന്നത്തെ വിപണി ആരംഭിക്കുന്നത് പവന് 1,23,720 രൂപയോടെയാണ്. ഇന്നത്തെ 24 കാരറ്റ് സ്വർണ്ണത്തിന്റെ വില (1 ഗ്രാം) 16,871 രൂപയും, 22 കാരറ്റ് സ്വർണ്ണത്തിന്റെ വില (1 ഗ്രാം) 15,465 രൂപയും 18 കാരറ്റ് സ്വർണ്ണത്തിന്റെ വില (1 ഗ്രാം) 12,653 രൂപയുമാണ്.ഇന്നത്തെ വെള്ളി വില ഗ്രാമിന് 300 രൂപയും കിലോഗ്രാമിന് 3,00,000 രൂപയുമാണ്. കേരളത്തിൽ വിവാഹ സീസൺ സജീവമായിരിക്കുന്ന ഘട്ടത്തിൽ സ്വർണ്ണവിലയിലുണ്ടാകുന്ന ഈ വർദ്ധനവ് സാധാരണ കുടുംബങ്ങൾക്ക് വലിയ സാമ്പത്തിക ബാധ്യതയാണ് സൃഷ്ടിക്കുന്നത്.
ഇന്നത്തെ നിരക്ക് പ്രകാരം പണിക്കൂലിയും ജിഎസ്ടിയും (3%) മറ്റു ചാർജുകളും ചേരുമ്പോൾ ഒരു പവൻ ആഭരണം വാങ്ങാൻ ഉപഭോക്താവ് ഏകദേശം 1.30 ലക്ഷത്തിന് മുകളിൽ നൽകേണ്ടി വരും. ആഭരണങ്ങൾ വാങ്ങുന്നതിന് മുമ്പ് വിവിധ ജ്വല്ലറികളിലെ പണിക്കൂലിയും ഓഫറുകളും താരതമ്യം ചെയ്യുന്നത് അല്പമെങ്കിലും ലാഭമുണ്ടാക്കാൻ സഹായിക്കും.
