കോഴിക്കോട്: പ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിച്ച കേസില് യുവാവിന് 53 വര്ഷം കഠിനതടവ്. പ്രതി 210000 രൂപ പിഴയും ഒടുക്കണം.
കോഴിക്കോട് നൊച്ചാട് പഞ്ചായത്തിലെ മുളിയങ്ങല് സ്വദേശി ചേരമ്പറ്റമീത്തല് മുഹമ്മദ് റെയ്ഹാനെ(41)യാണ് നാദാപുരം അതിവേഗ പ്രത്യേക കോടതി ശിക്ഷിച്ചത്.
2023 ആഗസ്റ്റിലാണ് കേസിനാധാരമായ സംഭവം. വീട്ടില് അതിക്രമിച്ച് കയറിയ പ്രതി കുട്ടിയെ ലൈംഗിക അതിക്രമത്തിന് ഇരയാക്കി. വിവരം കുട്ടി സ്കൂള് ടീച്ചറോട് പറഞ്ഞു.
സ്കൂള് അധികൃതര് അറിയിച്ചത് പ്രകാരം പേരാമ്പ്ര പൊലീസ് കുട്ടിയുടെ മൊഴിയെടുത്ത് കേസ് രജിസ്റ്റര് ചെയ്തു. ഹോട്ടല് തൊഴിലാളിയായിരുന്ന റെയ്ഹാന് പരിക്കേറ്റ് വിശ്രമത്തില് കഴിയുന്ന വേളയിലാണ് ലൈംഗികാതിക്രമം നടത്തിയത്.
2024 ഫെബ്രുവരി 27 മുതല് വിചാരണത്തടവുകാരനായി ജയിലില് ആണ് മുഹമ്മദ് റെയ്ഹാന് .പലതവണ ജാമ്യത്തിന് ശ്രമിച്ചെങ്കിലും കേസിന്റെ ഗൗരവ സ്വഭാവം കണക്കിലെടുത്ത് അപേക്ഷ തള്ളുകയായിരുന്നു.
