തിരുവനന്തപുരം : മുഖ്യമന്ത്രി പിണറായി വിജയനുമായി മലയാളത്തിന്റെ പ്രിയനടൻ മോഹൻലാൽ നടത്തിയ അഭിമുഖത്തിന്റെ ടീസർ കഴിഞ്ഞ ദിവസമാണ് പുറത്ത് വന്നത് . ഇരുവർ എന്ന് പേരിട്ടിരിക്കുന്ന അഭിമുഖത്തിന്റെ 1.15 മിനിറ്റ് ദൈർഘ്യമുള്ള ടീസറാണ് പുറത്തുവിട്ടിരിക്കുന്നത്. ‘കണ്ടും മിണ്ടിയും… ഇരുവർ. ജനങ്ങൾ നെഞ്ചിലേറ്റിയ, ജനങ്ങളെ നെഞ്ചിലേറ്റിയ രണ്ടുപേർ’ എന്ന ടാഗ്ലൈനോടെയാണ് അഭിമുഖം.
അഭിമുഖത്തിന്റെ പൂർണ്ണരൂപം എന്ന് പുറത്തിറങ്ങുമെന്ന കാര്യത്തിൽ വ്യക്തതയില്ല. അതേസമയം ട്രെയിലറിനോട് പലരും പല തരത്തിലാണ് കമന്റ് ചെയ്തിരിക്കുന്നത് . ‘ മകളുടെ ജീവിതം രക്ഷിക്കാന് ഏതറ്റം വരേയും പോകുന്ന ജോര്ജ് കുട്ടി ഒരു വശത്ത്…. മകളുടെ സമ്പാദ്യം സംരക്ഷിക്കാന് ഏതറ്റം വരെയും പോകുന്ന പിണറായി മറുവശത്ത്….ട്രെയിലര് പൊളിച്ചു….‘ എന്നാണ് ബിജെപി നേതാവ് യുവരാജ് ഗോകുലിന്റെ പരിഹാസം.
ഇതുകൊണ്ടൊന്നും സിപിഎമ്മിനെ ഇത്തവണ രക്ഷിക്കാൻ കഴിയില്ലെന്നും , തോൽപ്പിക്കാൻ ഇത്തവണ സാക്ഷാൽ അയ്യപ്പൻ തന്നെ രംഗത്തുണ്ടെന്നുമാണ് ചില കമന്റുകൾ.
