കോട്ടയം: സര്ക്കാര് ജീവനക്കാരുടെ ഡാറ്റ ചോര്ന്നതില് മുഖ്യമന്ത്രിക്കും സിപിഎം നേതാക്കള്ക്കും പങ്കുണ്ടെന്നും മുഖ്യമന്ത്രിയുടെ ഓഫീസിലെ ഉത്തരവാദികളായവര്ക്കെതിരെ കേസെടുത്ത് അന്വേഷിക്കണമെന്നും പ്രതിപക്ഷ നേതാവ് വി ഡി സതീശന് ആവശ്യപ്പെട്ടു. ചോര്ത്തുന്ന ഡാറ്റ ഇക്കൂട്ടര് വില്പനയ്ക്കും വയ്ക്കും. അനുവാദമില്ലാതെ ഒരാളുടെയും വ്യക്തി വിവരങ്ങള് ചോര്ത്താന് പാടില്ല. ഇതു സംബന്ധിച്ച് ഹൈക്കോടതി വിധിയുണ്ട്. സര്ക്കാര് ജീവനക്കാരുടെയും അധ്യാപകരുടെയും ഡാറ്റ മുഖ്യമന്ത്രിയുടെ ഓഫീസ് വ്യാപകമായി ചോര്ത്തി. ഡാറ്റ ചോര്ത്തുന്നത് കുറ്റകൃത്യമാണ്. .
ഡാറ്റ വിലപ്പെട്ട സ്വത്താണെന്ന് അറിയാത്തവരാണോ മുഖ്യമന്ത്രിയുടെ ഓഫീസിലില് ഇരിക്കുന്നത്. ഒരാള്ക്കും മെസേജ് അയയ്ക്കാന് പാടില്ല. ഡാറ്റ സുരക്ഷിതത്വം ഉറപ്പാക്കണം. എല്ലാ ഔദ്യോഗിക സംവിധാനങ്ങളും ദുരുപയോഗം ചെയ്യുകയാണ്. ഖജനാവില് അഞ്ച് പൈസ ഇല്ലാത്തപ്പോഴും കോടികള് ചെലവഴിച്ചാണ് തിരഞ്ഞെടുപ്പ് പ്രവര്ത്തനം നടത്തുന്നത്.ജനങ്ങളുടെ നികുതി പണം ചെലവഴിച്ച് തിരഞ്ഞെടുപ്പ് പ്രചാരണം നടത്തുന്നതിനെ നിയമപരമായും രാഷ്ട്രീയമായും നേരിടുമെന്നും സതീശന് പറഞ്ഞു.
ഡാറ്റ ചോര്ത്തിയ മുഖ്യമന്ത്രിയുടെ ഓഫീസിലുള്ളവര്ക്കെതിരെ കേസെടുത്ത് അന്വേഷിക്കണമെന്ന് വി ഡി സതീശന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.