തിരുവനന്തപുരം: പീഡനക്കേസില് പ്രതിയായ ചലച്ചിത്ര നടന് സിദ്ദിഖിന് പാസ്പോര്ട്ട് തിരികെ നല്കാന് ഉത്തരവിട്ട് തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതി. ഷാര്ജയില് നടക്കുന്ന ‘രാജകീയം’ സ്റ്റേജ് ഷോയില് പങ്കെടുക്കാനാണ് സിദ്ദിഖിന് പാസ്പോര്ട്ട് തിരികെ നല്കുന്നത്. മാര്ച്ച് 31 വരെ ഇളവ് ബാധകമാണ്. തുടര്ന്ന് പാസ്പോര്ട്ട് വീണ്ടും സറണ്ടര് ചെയ്യണം.
സുപ്രീം കോടതി നിശ്ചയിച്ച ജാമ്യ വ്യവസ്ഥകള് പ്രകാരമാണ് സിദ്ദിഖ് പാസ്പോര്ട്ട് കോടതിയില് സമര്പ്പിച്ചിരുന്നത്.
സിനിമയില് അവസരം വാഗ്ദാനം ചെയ്ത് തിരുവനന്തപുരത്തെ മസ്കറ്റ് ഹോട്ടലില് വിളിച്ചുവരുത്തി പീഡിപ്പിച്ചുവെന്ന ഒരു സഹ നടിയുടെ പരാതിയിലാണ് സിദ്ദിഖിന് എതിരെ കേസുളളത്.
