തിരുവനന്തപുരം: നിയമസഭാ തിരഞ്ഞെടുപ്പ് അടുത്ത് വരവെ പി ആര് പരിപാടികളുമായി മുഖ്യമന്ത്രി രംഗത്തു വരുന്നു.നടന് മോഹന്ലാല് പിണറായി വിജയനുമായി പ്രത്യേക വിഡിയോ അഭിമുഖം നടത്തിയതിന്റെ ടീസര് മോഹന്ലാല് ഉള്പ്പടെയുള്ളവര് പുറത്ത് വിട്ടു. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലാണ് വീഡിയോ ചിത്രീകരണം നടത്തിയത്.
1.15 മിനിറ്റ് ദൈര്ഘ്യമുള്ള ടീസറാണ് പുറത്ത് വിട്ടത്. മുഖ്യമന്ത്രിയുടെ രാഷ്ട്രീയ ജീവിതവും വ്യക്തിപരമായ കാര്യങ്ങളും ഉള്ക്കൊള്ളുന്നതാണ് ടീസര്.കണ്ടും മിണ്ടിയും ഇരുവര്, ജനങ്ങള് നെഞ്ചിലേറ്റിയ, ജനങ്ങളെ നെഞ്ചിലേറ്റിയ രണ്ടുപേര് എന്നാണ് ടാഗ്ലൈന്.
മോഹന്ലാല് ക്ലിഫ്ഹൗസില് വന്നിറങ്ങുന്ന ദൃശ്യത്തോടെ വീഡിയോ ആരംഭിക്കുന്നു.’എന്റെ സിനിമാ ഡയലോഗ് ഓര്മയുണ്ടോ’, ‘മുഖ്യമന്ത്രിക്ക് ഇഷ്ടപ്പെട്ട സിനിമ ഏതാണ്’, ‘ജീവിതത്തില് എന്നെങ്കിലും പശ്ചാത്താപം തോന്നിയിട്ടുണ്ടോ’ തുടങ്ങിയ ചോദ്യങ്ങള് മോഹന്ലാല് ചോദിക്കുന്നുണ്ട്.
പ്രശസ്ത സംവിധായകന് ടി.കെ. രാജീവ് കുമാര് ഉള്പ്പെടെയുള്ള സാങ്കേതിക വിദഗ്ധരാണ് അഭിമുഖ പരിപാടിയുടെ പിന്നില് പ്രവര്ത്തിച്ചത്. മുഖ്യമന്ത്രിയുടെ രാഷ്ട്രീയ ജീവിതം,സര്ക്കാരിന്റെ പ്രവര്ത്തനങ്ങള് തുടങ്ങിയ കാര്യങ്ങളാണ് അഭിമുഖത്തിന്റെ ഉള്ളടക്കം.
