ഇടതുപക്ഷ പ്രത്യയശാസ്ത്രത്തോട് ആഭിമുഖ്യം പുലർത്തുന്നയാളാണ് പ്രകാശ് രാജ്. അതുകൊണ്ട് തന്നെ ഹിന്ദുവിശ്വാസങ്ങളെ അവഹേളിക്കാൻ പ്രകാശ് രാജ് സമയം കണ്ടെത്താറുമുണ്ട്. സ്വന്തം നേട്ടത്തിനായി ഇപ്പോൾ ഇടത് പുരോഗമന വാദിയെന്ന് നടിക്കുന്ന പ്രകാശ് രാജ് കൊല്ലൂരിൽ പോയി ചണ്ഡികാ ഹോമത്തിൽ പങ്കെടുത്ത ചിത്രങ്ങളാണ് ഇപ്പോൾ സോഷ്യൽ മീഡിയയിൽ വീണ്ടും വൈറലാകുന്നത് .
ഹിന്ദുക്കളെ മതപരിവർത്തനത്തിനിരയാക്കുന്ന കേരളസ്റ്റോറി 2 വിനെതിരെ പ്രകാശ് രാജ് കഴിഞ്ഞ ദിവസം രംഗത്ത് വന്നിരുന്നു. അതിനുപിന്നാലെയാണ് നടന്റെ ഇരട്ടത്താപ്പ് വ്യക്തമാക്കുന്ന ദൃശ്യങ്ങൾ പ്രചരിച്ച് തുടങ്ങിയത്. കസവ് മുണ്ട് പുതച്ച് കുഞ്ഞുമായി ക്ഷേത്രത്തിൽ നിൽക്കുന്ന ചിത്രങ്ങളും പുറത്ത് വന്നിട്ടുണ്ട്.
ചിത്രം പുറത്ത് വന്നപ്പോൾ പ്രകാശ് രാജ് പറഞ്ഞ മറുപടിയും ശ്രദ്ധേയമാണ് . ഭാര്യയോടുള്ള ബഹുമാനം കൊണ്ടാണ് താൻ ഹോമത്തിൽ പങ്കെടുത്തതെന്നാണ് പ്രകാശ് രാജ് ഇതിന് മറുപടി നൽകിയത് . “ഹോമ-ഹവനിൽ ഇരുന്ന് എന്റെ ആഗ്രഹങ്ങൾ പ്രകടിപ്പിക്കുന്നത് എനിക്ക് വേറെ കാര്യമാണ്. എന്നാൽ, ഞാൻ എന്റെ ഭാര്യയുടെ വിശ്വാസത്തെ ബഹുമാനിക്കുന്നു. അങ്ങനെയാണ് ചണ്ഡികാ ഹോമത്തിൽ ഇരുന്നതും ആരാധന നടത്തുകയും ചെയ്തത്. ഞാൻ എന്റെ ഭാര്യയെ ബഹുമാനിക്കുന്നു,” എന്നാണ് പ്രകാശ് രാജ് പറഞ്ഞത്.
അതേസമയം താങ്കളുടെ ഭാര്യയുടെ വിശ്വാസം പോലെ കോടിക്കണക്കിന് ആളുകളുടെ വിശ്വാസമാണ് സനാതനധർമ്മമെന്നും, ഭാര്യയ്ക്കൊപ്പം പൂജയ്ക്ക് ഇരിക്കുകയും, അവാർഡുകൾക്ക് വേണ്ടി മതത്തെ തള്ളിപ്പറയുകയും ചെയ്യുന്ന നിലപാട് അംഗീകരിക്കാനാകില്ലെന്നാണ് ചിലർ കമന്റ് ചെയ്യുന്നത്.
