തൃശൂര്: രാഷ്ട്രത്തിനു വേണ്ടി സമര്പ്പിച്ച ജീവിതമായിരുന്നു കെ. പുരുഷോത്തമന്റേതെന്ന് ആര്എസ്എസ് മുന് അഖിലഭാരതീയ കാര്യകാരിയംഗം എസ്. സേതുമാധവന് പറഞ്ഞു. ജന്മഭൂമി മുന് എംഡിയും മുതിര്ന്ന സംഘ പ്രചാരകനുമായിരുന്ന കെ. പുരുഷോത്തമന്റെ രണ്ടാം സ്മൃതിദിനത്തില് അനുസ്മരണ പ്രഭാഷണം നടത്തുകയായിരുന്നു അദ്ദേഹം.
സംഘം ഏല്പ്പിച്ച ഏതു കാര്യവും ഏറ്റെടുത്ത് വിജയത്തിലെത്തിക്കാന് അശ്രാന്ത പരിശ്രമം നടത്തുന്ന സ്വഭാവമുണ്ടായിരുന്നു പുരുഷോത്തമന്. അനേകായിരം പ്രവര്ത്തകര്ക്ക് അദ്ദേഹത്തിന്റെ ജീവിതം പ്രേരണയേകിയെന്നും സേതുമാധവന് പറഞ്ഞു. സാഗരാംബ എജുക്കേഷണല് ആന്ഡ് ചാരിറ്റബിള് ട്രസ്റ്റിന്റെ നേതൃത്വത്തിലായിരുന്നു അനുസ്മരണം. തൃപ്രയാര് മേല്തൃക്കോവില് ക്ഷേത്രം ഹാളില് നടന്ന അനുസ്മരണ യോഗത്തില് അഡ്വ. കെ. എസ്. പവിത്രന് അധ്യക്ഷനായിരുന്നു. സ്വാമി തേജസ്വരൂപാനന്ദ സരസ്വതി, വിഭാഗ് സംഘചാലക് കെ. എസ്. പത്മനാഭന്, ഭാരതീയ മത്സ്യ പ്രവര്ത്തകസംഘം സംസ്ഥാന സെക്രട്ടറി ഇന്ദിര മുരളി, സി. വാസുദേവന്, കെ. പി. ഹരിഹരന് എന്നിവരും സംസാരിച്ചു. ട്രസ്റ്റിന്റെ വെബ്സൈറ്റ് ഉദ്ഘാടനവും വിദ്യോത്തമം പദ്ധതി പ്രഖ്യാപനവും യോഗത്തില് നടന്നു.
