ന്യൂദല്ഹി: സാമ്പത്തിക ബുദ്ധിമുട്ടനുഭവിക്കുന്നവരുടെ വീടുകള് കേന്ദ്രീകരിച്ച് നിര്ബന്ധിത മതപരിവര്ത്തനം നടത്തുന്നുവെന്ന വ്യാപക പരാതിയില് മലയാളി പാസ്റ്റര് അറസ്റ്റിലായി. പാസ്റ്റര് ജോസ് തോമസ് ആണ് അറസ്റ്റിലായത്.
ഉത്തര്പ്രദേശിലെ സിക്കന്തര്പൂരിലാണ് ആളുകള്ക്ക് പണവും ജോലിയും വാഗ്ദാനം ചെയ്ത് ഇയാള് മതപരിവര്ത്തനം നടത്തിയതെന്ന് പൊലീസ് പറഞ്ഞു. ഇയാള് ഹിന്ദു ദൈവങ്ങളെ ആക്ഷേപിക്കുകയും ചെയ്യുന്നുവെന്ന വ്യാപകമായ പരാതി ഉയര്ന്നിരുന്നു. ഇതേത്തുടര്ന്നാണ് മതപരിവര്ത്തന നിരോധന നിയമപ്രകാരം പൊലീസ് കേസെടുത്തത്.
