കൊച്ചി: ശബരിമല യുവതി പ്രവേശന വിഷയവുമായി ബന്ധപ്പെട്ട് നടന്ന ഹര്ത്താലിലെ അക്രമ സംഭവങ്ങളില് ബിജെപി മുന് സംസ്ഥാന അധ്യക്ഷന് കെ. സുരേന്ദ്രനെതിരായ കേസിലെ തുടര് നടപടികള് സ്റ്റേ ചെയ്ത് ഹൈക്കോടതി.കേസ് റദ്ദാക്കണമെന്ന് ആവശ്യപ്പെട്ട് സുരേന്ദ്രന് നല്കിയ ഹര്ജി യിലാണ് കോടതിയുടെ ഇടപെടല്.
ഹര്ത്താല് ആഹ്വാനം ചെയ്തതുകൊണ്ടുമാത്രം അക്രമ സംഭവങ്ങളില് നേരിട്ട് പങ്കുണ്ടെന്ന് കരുതാനാവില്ലെന്ന് ഹൈക്കോടതി പറഞ്ഞു.കേസില് സുരേന്ദ്രനെതിരെ വ്യക്തമായ തെളിവുകളില്ലെന്ന് കോടതി ചൂണ്ടിക്കാട്ടി.
ആലപ്പുഴ മാന്നാറില് 2019 ജനുവരി മൂന്നിന് നടന്ന അക്രമസംഭവങ്ങളിലാണ് സുരേന്ദ്രനെ ഒമ്പതാം പ്രതിയായി ഉള്പ്പെടുത്തിയത്. യാത്രക്കാരെ തടഞ്ഞുനിര്ത്തി മര്ദിച്ചെന്നും വാഹനം തകര്ത്തുവെന്നുമാണ് കേസ്. ജസ്റ്റിസ് സി.എസ്. ഡയസാണ് തുടര് നടപടികള് സ്റ്റേ ചെയ്തത്.
