തിരുവനന്തപുരം: ഭാരതീയ വിചാര കേന്ദ്രം സ്ഥാപക ഡയറകട്റും ചിന്തകനും ആര്എസ്എസ് പ്രചാരകനുമായിരുന്ന പി. പരമേശ്വരന്റെ അഞ്ചാമത് സ്മാരക പ്രഭാഷണം ഫെബ്രുവരി 28ന് കവടിയാര് ഉദയ് പാലസ് കണ്വെന്ഷന് സെന്ററില് കേന്ദ്ര ശാസ്ത്ര സാങ്കേതിക സഹമന്ത്രി ഡോ. ജിതേന്ദ്ര സിങ് നടത്തും.
രാവിലെ 11ന് സരസ്വതി വന്ദനത്തോടെ ചടങ്ങുകള് ആരംഭിക്കും. ഭാരതീയ വിചാര കേന്ദ്രം ജനറല് സെക്രട്ടറി ഡോ. എന്. സന്തോഷ് കുമാര് സ്വാഗതം ആശംസിക്കും. കേന്ദ്രമന്ത്രി ഡോ. ജിതേന്ദ്ര സിങ് ഭദ്രദീപം തെളിയിച്ച് ഉദ്ഘാടനം ചെയ്യും. ഭാരതീയ വിചാര കേന്ദ്രം ഡയറക്ടര് ആര്. സഞ്ജയന് അധ്യക്ഷത വഹിക്കും. വിക്രം സാരാഭായ് സ്പെയ്സ് സെന്റര് ഡയറക്ടര് എ. രാജരാജന് ആശംസ അര്പ്പിക്കും.
‘വികസിത് ഭാരത് @ 2047: ശാസ്ത്രവും സാങ്കേതികവിദ്യയും നവീന ആശയങ്ങളും ഭാരത പരിവര്ത്തനത്തിന്’ എന്ന വിഷയത്തില് ഡോ. ജിതേന്ദ്ര സിങ് പ്രഭാഷണം നടത്തും. തുടര്ന്ന് കേന്ദ്രമന്ത്രിയുമായി സംവദിക്കാനുള്ള അവസരവും ഉണ്ടായിരിക്കും.
ഭാരതീയ വിചാര കേന്ദ്രം പ്രസിഡന്റ് ഡോ. സി.വി. ജയമണി കേന്ദ്രമന്ത്രിക്ക് ഉപഹാരം സമര്പ്പിക്കും. സംഘാടക സമിതി ജനറല് കണ്വീനര് രഞ്ജിത്ത് കുമാര് വി. നന്ദി രേഖപ്പെടുത്തും. വിവിധ മേഖലകളിലെ വിദഗ്ധര്, വിദ്യാര്ത്ഥികള്, പ്രൊഫഷണലുകള് തുടങ്ങിയവര് പ്രഭാഷണത്തിന്റെയും ചര്ച്ചയുടെയും ഭാഗമാകും.
