ന്യൂദല്ഹി: റിട്ട. ജനറല് നരാവനെയുടെ പുസ്തകവിവാദം ഉണ്ടായപ്പോള് രാഹുല് ഗാന്ധിയ്ക്കൊപ്പം നിന്ന് പാര്ലമെന്റില് മോദി സര്ക്കാരിനെ വെല്ലുവിളിച്ച പ്രിയങ്ക ഗാന്ധി വധേര റിപ്പബ്ലിക് ടിവിയുടെ ചോദ്യത്തിന് മുന്നില് ഒരക്ഷരം ഉരിയാടാതെ മൗനം പാലിച്ചു.. വെള്ളിയാഴ്ച രാഹുല് ഗാന്ധിയുടെ ആരോപണങ്ങള് തള്ളിക്കൊണ്ട് നരാവനെ റിപ്പബ്ലിക് ടിവിയില് വെളിപ്പെടുത്തല് നടത്തിയതിന് ശേഷമാണ് റിപ്പബ്ലിക് ടിവി ലേഖകന് പ്രിയങ്കഗാന്ധി വധേരയെ കണ്ടത്. എന്നാല് ഒരക്ഷരം ഉരിയാടാതെ അവര് ഒഴിഞ്ഞുമാറുകയായിരുന്നു.
എന്നാല് റിട്ട. ജനറല് നരാവനെയുടെ പ്രസിദ്ധീകരിക്കാത്ത ആത്മകഥയായ ഫോര് സ്റ്റാഴ്സ് ഓഫ് ഡെസ്റ്റിനി എന്ന പുസ്കത്തിന്റെ പേരില് കേന്ദ്രസര്ക്കാരിനെതിരെ പാര്ലമെന്റില് പ്രിയങ്ക ആഞ്ഞടിച്ചിരുന്നു. മോദി സര്ക്കാര് ഭയന്നിരിക്കുന്നു എന്നാണ് പ്രിയങ്ക അന്ന് സഭയില് രോഷത്തോടെ പ്രസംഗിച്ചത്.
മാത്രമല്ല, റിട്ട. മേജര് നരാവനെയുടെ ആത്മകഥ എന്ന് പറഞ്ഞ് ഒരു പുസ്തകം ഉയര്ത്തിക്കാട്ടി രാഹുല് ഗാന്ധി പാര്ലമെന്റിന് പുറത്ത് മാധ്യമങ്ങളെ കണ്ടപ്പോഴും പ്രിയങ്ക ഗാന്ധിയും രാഹുലിന് ഒപ്പം ഉണ്ടായിരുന്നു. പ്രസിദ്ധീകരിക്കാത്ത പുസ്തകത്തെക്കുറിച്ച് വിവാദമുണ്ടാക്കുന്നല്ലോ എന്ന് ബിജെപി എംപി നിഷികാന്ത് ദുബെ ചോദിച്ചപ്പോള് ആമസോണില് നിന്നും വാങ്ങിയ പുസ്തകമാണ് എന്നായിരുന്നു പ്രിയങ്കയുടെ വാദം. അതേ പ്രിയങ്കയാണ് രാഹുല് ഗാന്ധിയെ തള്ളിക്കൊണ്ടുള്ള നരാവനെയുടെ അഭിമുഖം റിപ്പബ്ലിക് ടിവി പുറത്തുവിട്ടതിന് ശേഷം മൗനം പാലിക്കുന്നത്.
2020ലെ ഗാല്വാന് യുദ്ധത്തില് ഇന്ത്യയുടെ ഒരിഞ്ച് ഭൂമിപോലും ചൈന പിടിച്ചിട്ടില്ലെന്നും ചൈനക്കാര് ആക്രമിക്കാന് വന്നപ്പോള് മോദി സര്ക്കാരില് നിന്നും ക-ത്യമായ ഉത്തരവ് ലഭിച്ചില്ലല്ലോ എന്ന് രാഹുല് ഗാന്ധി താങ്കളെ ഉദ്ധരിച്ച പറഞ്ഞിരുന്നല്ലോ എന്ന ചോദ്യത്തിന് ആര്ക്കും എന്ത് വേണമെങ്കിലും പറയാം എന്ന ഉത്തരമായിരുന്നു നരാവനെ പറഞ്ഞത്. റിപ്പബ്ലിക് ടിവിയുടെ അലീഷ നായര് ആണ് നരാവനെയെ ഇന്റര്വ്യൂ ചെയ്തത്. ഈ ഇന്റര്വ്യൂ റിപ്പബ്ലിക് ടിവി പുറത്തുവിട്ടതിന് ശേഷമാണ് പ്രിയങ്ക ഗാന്ധി പ്രതികരിക്കാതായത്.
