തിരുവനന്തപുരം: 20 മുതല് 22 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കാര്മേഘം കണ്ട് തുടങ്ങുന്ന സമയം മുതല് തന്നെ പൊതുജനങ്ങള് മിന്നലിനെതിരെ ജാഗ്രത പുലര്ത്തണമെന്ന് അധികൃതര് നിര്ദേശിച്ചു. ഇടിമിന്നല് എപ്പോഴും ദൃശ്യമാകണമെന്നില്ലാത്തതിനാല് ഇത്തരം മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്.
ഇടിമിന്നല് സാധ്യത മനസ്സിലാക്കാന് കേന്ദ്ര കാലാവസ്ഥ വകുപ്പ് തയ്യാറാക്കിയിട്ടുള്ള ‘ദാമിനി’ മൊബൈല് ആപ്പ്ളിക്കേഷന്
ഉപയോഗിക്കാവുന്നതാണ്. https://play.google.com/store/apps/details?id=com.lightening.live.damini&hl=en_IN എന്ന ലിങ്കില് നിന്ന് Damini App ഡൗണ്ലോഡ് ചെയ്ത് ഉപയോഗിക്കാം.
ശക്തമായ കാറ്റിനെ നേരിടാനുള്ള പൊതുജാഗ്രതാ നിര്ദേശങ്ങള് https://sdma.kerala.gov.in/windwarning/ എന്ന ലിങ്കില് ലഭ്യമാണ്.
