തിരുവനന്തപുരം: നെടുമങ്ങാട് ജില്ലാ ആശുപത്രിയില് പ്രസവത്തിന് പിന്നാലെ കുഞ്ഞ് മരിച്ച സംഭവത്തില്, ആരോപണവിധേയയായ ഡോക്ടര് ബിന്ദു സുന്ദറിനെ സസ്പന്ഡ് ചെയ്തു.കൈക്കൂലി വാങ്ങിയെന്ന ആരോപണത്തിലാണ് അന്വേഷണവിധേയമായി സസ്പെന്ഷന്.
ഡോ.ബിന്ദു സുന്ദറിനെതിരെ പ്രതിഷേധം ശക്തമായതിന് പിന്നാലെയാണ് ആരോഗ്യ വകുപ്പ് നടപടി. അന്വേഷണത്തിന് ശേഷം കുറ്റക്കാരിയെന്ന് കണ്ടാല് കൂടുതല് നടപടിയുണ്ടാകും. മെഡിക്കല് കോളേജില് നിന്നുള്ള പ്രത്യേക സംഘം അന്വേഷണം ആരംഭിച്ചു.
ഇന്നലെ മുതല് നെടുമങ്ങാട് ജില്ലാ ആശുപത്രിയില് ഡോക്ടര്ക്കെതിരെ പ്രതിഷേധം ശക്തമായിരുന്നു.ഡോക്ടറെ അറസ്റ്റ് ചെയ്യണമെന്ന് ആവശ്യപ്പെട്ട് ബന്ധുക്കള് സൂപ്രണ്ട് ഓഫീസ് ഉപരോധിച്ചപ്പോള് ആശുപത്രിയ്ക്ക് മുന്നില് ബിജെപി-കോണ്ഗ്രസ്- പ്രവര്ത്തകരും പ്രതിഷേധിച്ചു.തുടര്ന്ന് ഡോക്ടറെ സ്ഥലം മാറ്റിയിരുന്നു. ശസ്ത്രക്രിയയ്ക്ക് മുമ്പ് ഡോക്ടര് പണം ആവശ്യപ്പെട്ടെന്നും രണ്ട് തവണയായി പതിനായിരം രൂപ ഡോക്ടര് വാങ്ങിയെന്നും ആരോപണം ഉയര്ന്നു.
ഡോക്ടര്ക്കെതിരായ നടപടിയില് സന്തോഷമെന്ന് കുഞ്ഞിന്റെ കുടുംബം അറിയിച്ച സാഹചര്യത്തില് കുഞ്ഞിന്റെ പോസ്റ്റുമോര്ട്ടം ഉള്പ്പെടെയുള്ള നടപടികളിലേക്ക് കടക്കും. പോസ്റ്റുമോര്ട്ടം റിപ്പോര്ട്ട് വന്നതിന് ശേഷം ബാക്കി കാര്യങ്ങള് തീരുമാനിക്കുമെന്ന് കുടുംബം അറിയിച്ചു.
