കല്യാണി: രഞ്ജി ട്രോഫി ഫൈനലിലേക്ക് ആദ്യമായി യോഗ്യത നേടി ജമ്മു കശ്മീർ ക്രിക്കറ്റ് ടീം ചരിത്രം സൃഷ്ടിച്ചു. നാലാം ഇന്നിംഗ്സിൽ 126 റൺസ് എന്ന വിജയലക്ഷ്യം പിന്തുടർന്ന ജമ്മുകശ്മീർ സെമിഫൈനലിൽ മുൻ ചാമ്പ്യന്മാരായ പശ്ചിമ ബംഗാളിനെ പരാജയപ്പെടുത്തി. സെമിഫൈനലിൽ ജമ്മു കശ്മീർ ടീമിനായി ഔഖിബ് നബി മികച്ച പ്രകടനം കാഴ്ചവച്ചു.
ഔബിബ് നബി ആദ്യ ഇന്നിംഗ്സിൽ അഞ്ച് വിക്കറ്റ് നേട്ടം ഉൾപ്പെടെ മത്സരത്തിൽ ഒമ്പത് വിക്കറ്റുകൾ വീഴ്ത്തുകയും പ്ലെയർ ഓഫ് ദി മാച്ച് അവാർഡ് നേടുകയും ചെയ്തു.
ആദ്യ ഇന്നിംഗ്സിൽ 82 റൺസും രണ്ടാം ഇന്നിംഗ്സിൽ റൺ-ചേസിൽ പുറത്താകാതെ നിൽക്കുകയും ചെയ്ത അബ്ദുൾ സമദ് നിർണായക പങ്ക് വഹിച്ചു. സുദീപ് കുമാർ ഘരാമിയുടെ 146 റൺസിന്റെ സെഞ്ച്വറി ബംഗാൾ ആദ്യ ഇന്നിംഗ്സിൽ 328 റൺസ് നേടാൻ സഹായിച്ചു.
മുഹമ്മദ് ഷമി എട്ട് വിക്കറ്റുകൾ വീഴ്ത്തി ടീമിനെ 26 റൺസിന്റെ നിർണായക ലീഡിലേക്ക് നയിച്ചു. സമദ് 82 റൺസുമായി ജമ്മു കശ്മീർ 300 റൺസ് കടത്തിവിട്ടു, ഔഖിബ് നബിയും 42 റൺസ് നേടി മികച്ച പ്രകടനം കാഴ്ചവച്ചു. കര്ണാടക-ഉത്തരാഖണ്ഡ് രണ്ടാം സെമിഫൈനല് വിജയികളെയാണ് 24ന് തുടങ്ങുന്ന ഫൈനലില് ജമ്മു കശ്മീര് നേരിടുക.
