തിരുവനന്തപുരം: കെ.സി. വേണുഗോപാലിനെപ്പോലുള്ള റൗഡികളെ തന്റെ സര്ദാര് പട്ടേലായി രാഹുല്ഗാന്ധി വാഴിച്ചെങ്കില് കോണ്ഗ്രസിന് എന്തോ കാര്യമായ കുഴപ്പമുണ്ടെന്ന് കോണ്ഗ്രസ് നേതാവ് മണിശങ്കര് അയ്യര്. ന്യൂസ് 18 ടിവിയോട് സംസാരിക്കവേയായിരുന്നു മണിശങ്കര് അയ്യരുടെ ഈ പ്രതികരണം.
കെ.സി. വേണുഗോപാല് ഇതുവരെയുള്ള ഏറ്റവും മോശമായ കോണ്ഗ്രസ് സംഘടനാ സെക്രട്ടറിയാണ്. അയാള് ഒരു റൗഡിയാണ്. എങ്ങിനെയാണ് ഇത്തരമൊരു റൗഡിയെ ഇന്ത്യന് നാഷണല് കോണ്ഗ്രസിന്റെ വല്ലഭായ് പട്ടേലായി നിയമിക്കാന് കഴിയുക? അതാണ് രാഹുല് ഗാന്ധി ചെയ്തത്.- മണിശങ്കര് അയ്യര് പറഞ്ഞു.
കോണ്ഗ്രസുകാരന് എന്ന നിലയില് കേരളത്തില് യുഡിഎഫ് അധികാരത്തില് വരണമെന്നാണ് ആഗ്രഹം. പക്ഷെ ഗാന്ധിയന് എന്ന നിലയില് സത്യം വിളിച്ചുപറയേണ്ടത് എന്റെ ബാധ്യതയാണ്. -മണിശങ്കര് അയ്യര് പറഞ്ഞു.
രാജീവ് ഗാന്ധി പ്രധാനമന്ത്രിയായിരുന്നപ്പോള് ഒന്നിലധികം തവണ പഞ്ചായത്തീരാജ് മന്ത്രിയായിരുന്നു അയ്യര്. ഒരു തവണ പെട്രോളിയം മന്ത്രിയുമായിഒരു കാലത്ത് കോണ്ഗ്രസിലെ മുന്നിര ബുദ്ധിജീവികളില് ഒരാളായിരുന്നു ഡൂണ്സ്കൂള്, സെന്റ് സ്റ്റീഫന്സ് കോളെജ്, കേംബ്രിഡ്ജ് യൂണിവേഴ്സിറ്റി എന്നിവിടങ്ങളില് വിദ്യാഭ്യാസം നേടിയ മണിശങ്കര് അയ്യര്.
