കൊച്ചി : സര്ക്കാരിന്റെ പുതിയ മദ്യബ്രാന്ഡിന് പേര് നിര്ദേശിക്കാന് പരസ്യം നല്കിയത് മദ്യപാനം പ്രോത്സാഹിപ്പിക്കാനല്ലെന്ന് ഹൈക്കോടതിയില് എക്സൈസ് അറിയിച്ചു.മലബാര് ഡിസ്റ്റലറീസാണ് പരസ്യം നല്കിയത്. പേരിടലിനെതിരായ ഹര്ജികള് തള്ളണമെന്നും കോടതിയില് സമര്പ്പിച്ച സത്യവാംഗ് ്മൂലത്തില് എക്സൈസ് പറഞ്ഞു.
മദ്യബ്രാന്ഡിന് പേരുകള് ക്ഷണിച്ചുള്ള പരസ്യത്തിനെതിരായി രണ്ട് പൊതുതാത്പര്യ ഹര്ജികള് ഹൈക്കോടതിയിലെത്തിയ പശ്ചാത്തലത്തിലാണ് എക്സൈസിന്റെ നടപടി.നേരത്തേ ബിവറേജസ് കോര്പറേഷനും ഹൈക്കോടതിയില് ഇതേ വിഷയത്തില് വിശദീകരണം നല്കിയിട്ടുണ്ട്.
പരസ്യം നിയമവിരുദ്ധമല്ലെന്നാണ് എക്സൈസിന്റെ വാദം.പരസ്യത്തില് മദ്യത്തെ പ്രോത്സാഹിപ്പിക്കുന്ന തരത്തിലുള്ള ഒന്നുമില്ലെന്നും നിലവിലുള്ള ഏതെങ്കിലും ബ്രാന്ഡിനെ പ്രോത്സാഹിപ്പിക്കാനും പരസ്യത്തിലൂടെ ശ്രമിച്ചിട്ടില്ലെന്നും സത്യവാംഗ്മൂലത്തില് പറയുന്നു. പുതിയ ബ്രാന്ഡിന്റെ പേര് ചോദിക്കുക മാത്രമാണ് ചെയ്തത്.
പാലക്കാട്ടെ മലബാര് ഡിസ്റ്റിലറീസില് നിന്നും പുറത്തിറക്കുന്ന ബ്രാന്ഡിക്ക് ഉചിതമായ പേരും ലോഗോയും ക്ഷണിച്ചായിരുന്നു വിജ്ഞാപനം പുറത്തിറക്കിയത്. ബ്രാന്ഡിക്ക് ഏറ്റവും മികച്ച പേര് നിര്ദേശിക്കുന്നവര്ക്ക് 10,000 രൂപ സമ്മാനം നല്കുമെന്നാണ് ബെവ്കോ അറിയിച്ചത്.
