കോട്ടയം: ചലച്ചിത്ര അക്കാദമി ചെയര്മാന് പദവിയില് നിന്നും പുറത്താക്കപ്പെട്ട നടന് പ്രേംകുമാര് കെപിസിസി സംസ്കാര സാഹിതിയുടെ പരിപാടിയില് മുഖ്യതിഥിയായി പ്രേംകുമാര് പങ്കെടുക്കും. ചൊവ്വാഴ്ച വൈകിട്ട് 5.30 ന് നടക്കുന്ന പരിപാടി ഉദ്ഘാടനം ചെയ്യുന്നത് എഐസിസി ജനറല് സെക്രട്ടറി കെസി വേണുഗോപാല് എംപിയാണ്.
നാഗമ്പടം ഇന്ഡോര് സ്റ്റേഡിയത്തിലാണ് ചടങ്ങ്. പ്രേംകുമാറിന്റെ ചിത്രം ഉള്പ്പെടുത്തിയ പോസ്റ്റര് സംഘാടകര് പുറത്തുവിട്ടു. എന്നാല് വിഷയത്തില് ഒരു ഔദ്യോഗിക പ്രതികരണത്തിന് പ്രേംകുമാര് തയാറായിട്ടില്ല.
തന്നെ ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് മാറ്റിയതില് ഇരട്ടനീതി ഉണ്ടായെന്ന് പ്രേംകുമാര് കുറ്റപ്പെടുത്തിയിരുന്നു. സാഹിത്യകാരന് സച്ചിദാനന്ദന് സര്ക്കാരിനെതിരെ ഗുരുതരമായ പ്രസ്താവന നടത്തിയിട്ടും സാഹിത്യ അക്കാദമി ചെയര്മാന് സ്ഥാനത്ത് തുടരുന്നുവെന്ന് അദ്ദേഹം ചൂണ്ടിക്കാട്ടി.
ആശാസമരത്തോട് അനുഭാവം പ്രകടിപ്പിച്ച് നടത്തിയപരാമര്ശമാണ് തന്നെ പുറത്താക്കാന് കാരണം. അര്പ്പണ ബോധത്തോടെ പ്രവര്ത്തിച്ച ഇടത്തുനിന്ന് പറഞ്ഞുവിടുമ്പോള് അതിനൊരു മാന്യതവേണമായിരുന്നുവെന്ന് പ്രേംകുമാര് പറഞ്ഞു.
