ന്യൂദൽഹി : ഫ്രഞ്ച് പ്രസിഡന്റ് ഇമ്മാനുവൽ മാക്രോൺ മുംബൈയിൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. ഫ്രഞ്ച് പ്രസിഡന്റ് ഇമ്മാനുവൽ മാക്രോൺ മൂന്ന് ദിവസത്തെ ഔദ്യോഗിക സന്ദർശനത്തിനായി ഇന്ന് രാത്രി മുംബൈയിൽ എത്തും. നാളെയാണ് അദ്ദേഹം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും.
മുംബൈയിലെ ലോക് ഭവനിൽ വെച്ച് ഇരുനേതാക്കളും തന്ത്രപരമായ പങ്കാളിത്തം വിലയിരുത്തും. പ്രതിരോധം, ബഹിരാകാശം, സാങ്കേതികവിദ്യ തുടങ്ങിയ മേഖലകളിൽ നിർണായക കരാറുകൾ ഒപ്പിടുമെന്ന് പ്രതീക്ഷിക്കുന്നുണ്ട്. 2026-നെ ‘ഇന്ത്യ-ഫ്രാൻസ് നവീകരണ വർഷമായി പ്രഖ്യാപിക്കുന്നതിന്റെ ഉദ്ഘാടനം ഇരുവരും ചേർന്ന് മുംബൈയിൽ നിർവഹിക്കും.
മുംബൈയിലെ പരിപാടികൾക്ക് ശേഷം അദ്ദേഹം ദൽഹിയിലേക്ക് തിരിക്കും. ഫെബ്രുവരി 19-ന് ദൽഹിയിൽ നടക്കുന്ന ‘ഇന്ത്യ എഐ ഇംപാക്ട് സമ്മിറ്റിലും മാക്രോൺ പങ്കെടുക്കും.
