ന്യൂദല്ഹി: ദേശീയ ഗീതം ആലപിക്കണമെന്ന ഉത്തരവ് കേന്ദ്രസര്ക്കാര് പിന്വലിക്കണമെന്ന് സിപിഎം പൊളിറ്റ്ബ്യൂറോ. ഉത്തരവ് ഭരണഘടനയുടെ അന്തസത്തയ്ക്ക് നിരക്കാത്തതാണെന്നും പിബി പ്രസ്താവനയില് പറഞ്ഞു. ദേശീയ ഗീതവുമായി ബന്ധപ്പെട്ട് പ്രസിഡന്റ് രാജേന്ദ്ര പ്രസാദിന്റെ പ്രസ്താവന വിശദമായ ചര്ച്ചയ്ക്കുശേഷം ഭരണഘടനാ നിര്മാണസഭ അംഗീകരിച്ചിരുന്നു. അതുപ്രകാരം ദേശീയ ഗീതത്തിന്റെ രണ്ട് ഖണ്ഡികകള് മാത്രമാണ് ആലപിക്കേണ്ടത്. നാല് ഖണ്ഡികകള് ഇന്ത്യയുടെ മതനിരപേക്ഷ ഘടനയെ പ്രതിഫലിപ്പിക്കുന്നതല്ലെന്നായിരുന്നു ഭരണഘടനാ നിര്മാണസഭയുടെ നിലപാട്. ദേശീയ ഗാനത്തെയും ദേശീയ ഗീതത്തെയും മുന്നിര്ത്തിയുള്ള വിവാദം അനാവശ്യമാണെന്നും പിബി പ്രസ്താവനയില് പറഞ്ഞു.
