പത്തനംതിട്ട : വാഹനാപകടത്തില് പെട്ട് മസ്തിഷ്കാഘാതം സംഭവിച്ചതിനെ തുടര്ന്ന് അവയവങ്ങള് ദാനം ചെയ്ത് ചരിത്രമായ പത്ത് മാസം മാത്രം പ്രായമുളള ആലിന് ഷെറിന് എബ്രഹാമിന് വിട ചൊല്ലി ജന്മനാട്. സംസ്കാര ശുശ്രൂഷ നെടുങ്ങാടപ്പള്ളി സിഎസ്ഐ പള്ളിയില് നടന്നു.
സര്ക്കാരിന്റെ ഔദ്യോഗിക ബഹുമതികളോടെയായിരുന്നു സംസ്കാരം. മൃതദേഹം പൊതുദര്ശനത്തിന് വെച്ച പത്തനംതിട്ട വാലുമണ്ണിലെ വീട്ടില് മന്ത്രിമാരുള്പ്പെടെ നൂറുകണക്കിന് ആളുകള് അന്ത്യാഞ്ജലി അര്പ്പിക്കാനെത്തി.
മന്ത്രിമാരായ സജി ചെറിയാന്, വീണാ ജോര്ജ് തുടങ്ങിയവര് ആദരാഞ്ജലി അര്പ്പിച്ചു.പ്രധാനമന്ത്രി നരേന്ദ്ര മോദിക്ക് വേണ്ടി സുരേഷ് ഗോപി ആദരാഞ്ജലി അര്പ്പിച്ചു.മൃതദേഹം പൊതുദര്ശനത്തിന് വച്ച പത്തനംതിട്ട വാലുമണ്ണിലെ വീട്ടില് നൂറുകണക്കിന് പേരാണ് അന്ത്യാഞ്ജലി അര്പ്പിക്കാനെത്തിയത്.
സംസ്ഥാന ചരിത്രത്തിലെ ഏറ്റവും പ്രായം കുറഞ്ഞ അവയവദാതാവെന്ന വലിയ നിയോഗവുമായാണ് ഈ പത്ത് മാസം പ്രായമുള്ള കുഞ്ഞ് യാത്രയാകുന്നത്.
